2023 jyly «áıelderge arnalǵan vagondarmen» 161 myńǵa jýyq jolaýshy tasymaldandy. Salystyrmaly túrde aıtsaq, 2022 jyly bul vagondarda 114 myńnan astam adam jol júrgen, dep habarlaıdy Rail-news.kz.
«Áıelderge arnalǵan vagondar» qyzmeti engizilgen sátten bastap 2021 jyldyń 3 aıy ishinde - 13 myńnan astam jolaýshy qatynady. Osylaısha áıelderdiń qaýipsiz saıahattaýyn qamtamasyz etý maqsatynda engizilgen qyzmettiń jolaýshylar arasynda suranysy artyp keledi.
Búgingi tańda «áıelderge arnalǵan vagondar» 8 jolaýshylar poıyzynyń quramynda júredi:
- №77/78 «Almaty-Mańǵystaý»№07 kýpe vagony;
- №351/352 «Almaty-Óskemen» №10 kýpe vagony;
- №45/46 «Pavlodar-Túrkistan» №09 kýpe vagony;
- №37/38 «Mańǵystaý-Semeı» №06 kýpe vagony;
- №47/48 «Atyraý-Astana» №06 kýpe vagony;
- №33/34 «Aqtóbe-Almaty-1» № 06 kýpe vagony;
- №4/3 «Astana-Almaty-2» № 17 kýpe vagony;
- №71/72 «Astana-SHymkent» №10 kýpe vagony.
Aıta keteıik, bul vagondarǵa otyrǵan áıel-jolaýshylaryna jeti jasqa deıingi ul balalardy alyp júrýge ruqsat etilgen.