Almaty qalasynyń ákimi Baqytjan Saǵyntaev óziniń facebook-tegi áleýmettik paraqshasynda: «Ulttyq statısıka búrosynyń málimetinshe, qazirdiń ózinde qazaqstandyqtar 19 mıllıonǵa jetti. Al Almaty halqynyń sany eki mıllıonnan asty! Aıala Jambyl eki mıllıonynshy turǵyn atandy. Ol polısıa qyzmetkeri Beıbit Ábildaev pen balabaqsha tárbıeshisi Álıa Jánibekovanyń otbasyndaǵy altynshy qyz. Densaýlyq, amandyq pen baqyt tileımin!» degen habarlama jarıalady, dep habarlaıdy Almaty-akshamy.kz.
Eske sala ketsek, Qazaqstannyń on toǵyz mıllıonynshy turǵyny retinde tirkelgen Janıa Azamatqyzy Almaty qalasynda dúnıege keldi. Qazaqstan Prezıdenti Qasym-Jomart Toqaev Twitter-de Qazaqstan halqy 19 mıllıon adamǵa jetkenin habarlaǵan bolatyn. Memleket basshysy on toǵyz mıllıonynshy azamattyń ata-anasy men qazaqstandyqtardy osy qýanyshpen quttyqtady.