Kókónisterdi súıikti taǵamdardyń serigine aınaldyrý kerek
Jas ulǵaıǵan saıyn qyzyl etti jegendi azaıtqan durys. Asqazandaǵy aýyrlyqty seze bastaǵanda adamdar ony taýyq, balyq nemese aqýyzdyń basqa bir kózderimen almastyra bastaıdy. Keıbir zertteýler et ónimderin shekten tys paıdalanýdyń ishek qaterli aýrýyna ákelýi múmkin ekenin kórsetedi. Dáriger-dıetolog Marına Makısha REN-tv-ǵa bergen suhbatynda tamaqtaný rasıonyn qalaı teńdestirýge bolatynyn aıtty, dep habarlaıdy Almaty-akshamy.kz.
Fermentter belsendiliginiń tómendeýi
Ýaqyt óte, adam jasy ulǵaıa kele, et aqýyzyn sińiretin as qorytý fermentteriniń belsendiligi tómendeı bastaıdy. Toıymdy tamaq jep alǵannan keıin asqazandy aýyrlyq sezimi basady. Bul adamnyń jasynyń ózgerýine baılanysty qalypty prosester. Biraq kóptegen adamdar 45-50 jastan keıin sıyr, qoı etinen múlde bas tartady. Jyl ótken saıyn as qorytý toqtamaıdy, sondyqtan dıetolog mundaı ónimderdi azdaǵan porsıamen – 70-100 gramǵa deıingi mólsherde qoldanýǵa keńes berdi.
Densaýlyqqa paıdaly balamalar
Aqýyz – aǵzany túzýshi eń mańyzdy komponent. Aqýyz jetkiliksizdigi jáne onyń sińirilý qıyndyǵy máseleleri kóbine jasy úlken adamdarda kezdesedi. Sondyqtan óz tamaqtaný rasıonynyn teńestirip, baqylap otyrý óte mańyzdy.
Qyzyl etti ádette tez sińiriletin jeńil aqýyzben almastyrady. Onyń dástúrli nusqasy – qus eti nemese balyq.
«Sút qyshqyldy ónimder de jaraıdy – mysaly, súzbe. Bul aqýyz belgili bir maǵynada, fermenttelgen bolyp keledi. Jumyrtqa aqýyzy da jeńil qorytylady», - deıdi dıetolog. Balamaly as retinde proteındi kokteılder kóbirek qoldanysqa ıe bolýda.
Shekten tys qoldaný
Etten shekten tys kóp jeý aǵzanyń ony qorytyp úlgermeýine ákeledi jáne bul as qorytý júıesine keri áser etip, ishek jumysynyń buzylýyna ákelýi múmkin. Qorytylmaǵan ettiń qozǵalysy asqazanda uzaq ýaqyt boıy jaısyzdyq sezimin týdyrady.
Aqýyz jetispegen kezde, jas ulǵaıa kele, sarkopenıa, bulshyq et massasynyń joǵalýy baıqalady. Osyǵan baılanysty omyrtqa senimdi tiregin joǵaltady.
Kókónister - tamaqtaný rasıonynyń mindetti elementi
Etti jeý ishektiń qaterli isigin týdyrady degen pikir qalyptasqan. Shyn máninde ınternet paıdalanýshylary ǵylymı zertteýlerdi sońyna deıin oqymaıdy. Saldarynan qate túsinik qalyptasady.
«Mundaı qaýip adam etti kóp jegende emes, kókónisterdi tutynbaǵanda paıda bolady. Etti de, kókónisterdi de paıdalanatyn adamdarǵa erekshe qaýip joq», - dep naqtylady Marına Makısha.
Aýrýdyń aldyn alý úshin etten bas tartýdyń qajeti joq. Qandaı kólemdegi ettiń saldarsyz sińetinin túsiný, durys balamalardy paıdalaný kerek jáne ósimdik negizindegi ónimderdi de umytpaǵan jón.