Bul týraly QR Premer-Mınıstri Álıhan Smaıylov aıtty.
Demonopolızasıa sharalary aıasynda 40-qa jýyq aksıonerlik qoǵam men jaýapkershiligi shekteýli seriktestik memleket menshigine ótedi, dep habarlaıdy Almaty-akshamy.kz
Qazirgi kezde ekonomıkany monopolıasyzdandyrý jónindegi komısıa quryldy. Negizgi mindeti – básekelestikke kedergi jasaıtyn kompanıalardy anyqtaý.
«Máselen, shamamen 40 aksıonerlik qoǵam men jaýapkershiligi shekteýli seriktestik, sondaı-aq basqa da jyljymaıtyn múlik nysandary respýblıkalyq menshikke berilip jatyr. Osy jumys jalǵasa beredi», - dedi Smaıylov.
Onyń aıtýynsha, memleket menshigine berilgen kompanıalar memlekettik múlik komıtetine ótedi. Artynan sala boıynsha memlekettik organdarǵa taratylady.
«Al tabysy respýblıkalyq búdjetke túsedi», - dep atap ótti Úkimet basshysy.