«Qazgıdromet» RMK mamyrdyń 4-i kúngi aýa raıy boljamyn jarıalady, dep habarlaıdy Almaty-akshamy.kz.
Kásiporyn taratqan derekterge qaraǵanda, atmosferalyq frontaldy bólikterdiń ótýine baılanysty Qazaqstannyń basym bóliginde jańbyr jaýyp, eldiń ońtústiginde, ońtústik-shyǵysynda nóser jaýyn jaýady. Qazaqstannyń batysynda, ońtústik-batysynda, soltústiginde, soltústik-shyǵysynda joǵary qysym áserinen kún ashyq bolady. Respýblıka boıynsha naızaǵaı oınap, jel kúsheıedi, eldiń ońtústiginde, ońtústik-shyǵysynda burshaq jaýyp, soltústiginde, shyǵysynda tuman túsedi.
Jambyl oblysynyń soltústiginde, ońtústiginde jáne taýly aýdandarynda naızaǵaı oınap, burshaq jaýady, daýyl turady, oblystyń ońtústik-batysynda, soltústik-shyǵysynda jáne taýly aýdandarynda jeldiń jyldamdyǵy sekýndyna 15-20, keı ýaqytta 25 metrge deıin kúsheıedi.
Tańerteń jáne kúndiz Almaty oblysynyń ońtústiginde jáne taýly aýdandarynda naızaǵaı oınap, burshaq jaýady, daýyl turady, naızaǵaı kezinde jeldiń jyldamdyǵy sekýndyna 15-20 metrge jetip, ekpini 25 m/s bolady.
Túrkistan oblysynyń soltústiginde, ońtústiginde, batysynda, taýly jáne taý bókterindegi aýdandarynda naızaǵaı oınap, burshaq jaýady, daýyl turady, naızaǵaı kezinde jel 17-22 m/s-ke deıin kúsheıedi.
Qaraǵandy oblysynyń soltústiginde, shyǵysynda, ortalyǵynda naızaǵaı oınaıdy, jel 15-20 m/s jeldamdyqpen esedi.
Qostanaı oblysynyń ońtústiginde naızaǵaı oınap, jel 15-20 m/s-ke deıin kúsheıedi.
Kúndiz Aqmola oblysynyń ońtústik-batysynda naızaǵaı oınap, ońtústiginde jel 15-20 m/s-ke deıin kúsheıedi.
Túnde Shyǵys Qazaqstan oblysynyń soltústiginde tuman túsedi, ońtústik-batysynda jel 15-20 m/s-ke deıin kúsheıedi.
Qyzylorda oblysynyń shyǵysynda naızaǵaı oınap, daýyl turady. Túnde jáne tańerteń Soltústik Qazaqstan oblysynyń shyǵysynda tuman túsedi.
Batys Qazaqstan oblysynyń ońtústiginde, Aqtóbe oblysynyń soltústiginde, ortalyǵynda, Pavlodar oblysynyń ortalyǵynda tótenshe órt qaýpi saqtalady.