Jataqhana máselesi sheshilmek
Bıylǵy jyldyń sońyna deıin 37 jańa stýdentter jataqhanasy paıdalanýǵa beriledi, dep habarlaıdy Almaty-akshamy.kz.
QR BǴM baspasóz qyzmetiniń málimetinshe, sońǵy úsh jylda úshinshi áleýmettik bastama sheńberinde elimizde 85 jańa jataqhana iske qosylyp, 22 myńnan astam stýdent qonystandy.
«Mınıstrlik Elbasynyń úshinshi áleýmettik bastamasyn iske asyrý aıasynda stýdentter jataqhanalaryn salý men qaıta qurý qarqynyn jedeldetýdiń jańa tetikterin ázirledi. Atap aıtqanda, jataqhanalar nysanaly qurylys jáne joǵary oqý oryndarynyń óz qarajaty esebinen, sondaı-aq memlekettik-jekemenshik áriptestik qaǵıdaty boıynsha salynady. Iaǵnı, ınvestorlar óz qarajatyna jataqhana salady, al mınıstrlik olarǵa memlekettik tapsyrysty ornalastyryp, stýdenttiń árbir jatyn ornyn tóleıdi», – dep atap ótti QR BǴM Qarjy ortalyǵynyń prezıdenti Asqar Ibraımov.
Mundaı algorıtm stýdenttik jataqhanalar sanyn edáýir arttyrýǵa jáne stýdentterdiń ómir súrý jaǵdaılaryn jaqsartýǵa múmkindik berdi.