Kún tutylýyn ekran proeksıasy arqyly baqylaǵan durys
25 qazanda kúnniń jartylaı tutylý qubylysy Qazaqstannyń barlyq aýmaǵynda kórinedi, dep habarlaıdy Almaty-akshamy.kz inbusiness.kz-ke silteme jasap.
Bul jańalyqty V.G.Fesenkova atyndaǵy astrofızıka ınstıtýty jarıalady. Instıtýt mamandary elimizdiń birneshe óńirine kúnniń tutylý ýaqytyn eseptep shyǵardy. Kún tutylýynyń maksımaldy fazasy Astanada baıqalady. Elordada kún tutylý 16:06-da bastalyp, maksımaldy frazany (83%) elorda turǵyndary saǵat 17:17-de kóre alady. Almatyda kún tutylýynyń bastalýy jergilikti ýaqyt boıynsha saǵat 16:26-da, 17:35-te maksımaldy fazasy bastalady - 76%, Petropavlda (80%) – saǵat 17:08-de, Pavlodarda (79%) – 17:18-de, Oralda (71%) – saǵat 16:00-de, Atyraýda (69%) - 16:07-de, Shymkentte (69%) - 17:32-de.
Sonymen qatar mamandar erekshe astrologıalyq qubylysty tamashalaý kezinde saqtyq sharalaryn umytpaýdy eske saldy.
"Bul tańǵajaıyp astronomıalyq qubylysty kórý kózimizge zıan keltirmeý úshin saqtyq sharalaryn saqtaý qajet. Kún tutylýyn ekran proeksıasy arqyly baqylaǵan durys. Sonymen qatar kúńgirt súzgi nemese dánekerleýshi kózildirigi arqyly kúnge tikeleı qaraýǵa bolady", - dedi V.G.Fesenkova atyndaǵy astrofızıka ınstıtýty dırektorynyń orynbasary R. Valıýllın.