Ol Ulybrıtanıa premer-mınıstri laýazymyna bıylǵy qyrkúıek aıynyń basynda ǵana saılanǵan bolatyn
Lız Trass Torı partıasynyń jetekshisi qyzmetinen ketetinin jarıalady. Ol óz ornyna kandıdat kelgenge deıin premer-mınıstr qyzmetin jalǵastyrady, dep habarlaıdy Almaty-akshamy.kz QazAqparatqa silteme jasap.
«Konservatıvtik partıanyń jańa kóshbasshysyn jáne premer-mınıstrdi saılaý kelesi aptada ótedi. Brıtan opozısıasynyń jetekshisi, leıborıser partıasynyń tóraǵasy Kır Starmer elde merziminen buryn saılaý ótkizý qajettigin taǵy da aıtty», - dep jazady Euronews basylymy.
Eske salaıyq, 47 jastaǵy L.Trass Torı partıasynyń qaıratkeri. Ulybrıtanıa premer-mınıstri laýazymyna bıylǵy qyrkúıek aıynyń basynda ǵana saılanǵan bolatyn.
18 qazan kúni ǵana Ulybrıtanıa premer-mınıstri óz qyzmetinde jibergen qatelikteri úshin keshirim surap, alaıda, bıleýshi Konservatıvtik partıanyń birqatar múshesiniń úndeýine qaramastan otstavkaǵa ketýden bas tartqan edi, dep jazdy.