Qaznette 2025 jyly paıda bolatyn jańa Seers indeti talqylanýda, dep habarlaıdy almaty-akshamy.kz stopfake.kz silteme jasap.
Seers vırýsy tabıǵatta joq. Ony adamdar oılap tapqan. Dálirek aıtqanda, Djons Hopkıns ortalyǵy men DDU jáne erli-zaıypty Geıtster qory. 2022 jyldyń qazan aıynda Brússelde Grand Challenges jınalysynda «Asa qaýipti ınfeksıa» atty trenıń ótti. Oǵan densaýlyq saqtaý uıymdarynyń qyzmetkerleri men memlekettik qyzmetkerler tartyldy. Topqa Senegal, Sıngapýr, Rýanda, Nıgerıa, Angola, Úndistan, Lıberıa jáne Germanıa elderinen 10 joǵary laýazymdy sheneýnik kirdi.
Semınarǵa qatysýshylar COVID-19-dan da juqpaly bolatyn aýrýǵa qalaı den qoıýǵa bolatynyn, aýrýdyń taralýyn boldyrmaý úshin qandaı saıası sheshimder qabyldaý kerektigin talqylady.
Mysal retinde Seers (Severe Epidemic enterovirus respiratory syndrome – aýyr epıdemıalyq enterovırýstyq respıratorlyq sındrom) dep atalatyn oıdan shyǵarylǵan pandemıa alyndy.
Trenıń úshin Djons Hopkıns ortalyǵy Nusqaýlyq vıdeo túsirgen, onda senarıdiń oıdan shyǵarylǵany birneshe ret aıtylady. Bul vıdeo ortalyqtyń YouTube arnasynda áli de bar jáne barshaǵa qoljetimdi.
Al konspırologtar oqytý trenıńin asa qaýipti aýrýdyń taralýynyń senarıi retinde usynǵan. Bul týraly alǵashqy feıkter 2022 jyldyń jeltoqsanynda shyqty. Olardy «Reıter» joqqa shyǵardy. Djons Hopkıns densaýlyq qaýipsizdigi ortalyǵynyń qoǵammen baılanys jónindegi dırektory Kagla Gıraı aqparat agenttigine «senarıde sıpattalǵan oıdan shyǵarylǵan oshaq boljam emes. Oqý-jattyǵýdaǵy qozdyrǵysh qatysýshylarǵa qoǵamdyq densaýlyq saqtaý salasyndaǵy aýqymdy tótenshe jaǵdaılar kezinde boljaýǵa bolatyn saıası dılemlardyń túrlerimen kúresýge kómektesetin oqytý ádisi retinde oılastyrylǵan».
SEERS – bul pandemıa kezinde áreket etý úshin adamdar oılap tapqan vırýs. 2025 jyly qandaı da bir ınfeksıanyń taralatynyna eshqandaı dálel joq.