Mınıstrler Jańa Jibek jolyn jandandyrýdyń jol kartasyn daıyndaýǵa kelisti.
Túrki memleketteri týrızmdi damytýda birlese áreket etýi tıis. Jańa Jibek jolyn jandandyrý úshin baýyrlas elder arasyndaǵy baılanysty arttyrý mańyzdy, dep habarlaıdy Almaty-akshamy.kz
Túrkitildes elderdiń 2022 jylǵy týrızm astanasy bolyp tańdalǵan Ázirbaıjannyń Shamahı qalasynda ótken Túrki memleketteri uıymyna múshe elderdiń týrızm mınıstrleriniń jıynyna qatysýshylar osyndaı pikirde. Osymen jetinshi ret kezdesip otyrǵan mınıstrler Jańa Jibek jolyn jandandyrýdyń jol kartasyn daıyndaýǵa kelisti.
Jınalǵandar túrkitildes elderdiń týrızm áleýeti joǵary ekenin, birlese jumys istese, saladaǵy túıtkildi máselelerdiń barlyǵyn sheshýge bolatynyn tilge tıek etti. Mınıstrlerdiń kelesi basqosýy 2023 jyly Qazaqstanda ótetin boldy.
"Búgingi jıynymyz óte mazmundy ótti. Týrızmdi damytýǵa qatysty birqatar mańyzdy máselelerdi talqyladyq. Týrızmdi jandandyrý - Túrki memleketteri uıymy úshin basym baǵyttardyń biri. Sondyqtan Jańa Jibek jolyn qaıta qurý úshin búgingi jıynda talqylanǵan jobalardy birlese júzege asyramyz degen úmittemin", - deıdi Túrki memleketteri uıymy tóraǵasynyń orynbasary Mırvohıd Azımov.