Malaızıamen kelissózder júrgizilýde.
Almaty qalasy ákiminiń orynbasary Álisher Ábdiqadyrov óńirlik komýnıkasıalar qyzmetinde ótken brıfıńte kelesi jyly shet memleketterge jańa áýe reısterin ashý josparlanyp otyrǵanyn aıtty, dep habarlaıdy Almaty-akshamy.kz QazAqparatqa silteme jasap.
«Qazirgi ýaqytta Pákistanǵa, Saýd Arabıasyna, Japonıaǵa jáne Izraılge jańa áýe reısterin ashý boıynsha kelissózder júrgizilýde. Kelesi jyldyń basynda SCAT kompanıasy Pákistan-Islamabad jáne Karach qalalaryna iri reısterdi ashady. Saýd Arabıanyń áýe kompanıasynyń ókilderi tikeleı turaqty reısterdiń ashylǵanyn habarlady. Qazaqstan men Japonıa arasyndaǵy tikeleı áýe qatynasyn qalpyna keltirý kelissózder satysynda. Sonymen qatar, Malaızıamen kelissózder júrgizilýde. Týrısik baǵyt retinde Almatynyń kóliktik qoljetimdiligi aıtarlyqtaı jaqsarady dep kútemiz, bul tikeleı reısterdi ashý arqyly qoljetimdi», - dedi Álisher Ábdiqadyrov.
Buǵan deıin Almaty men Qytaıdyń Sıan qalasynyń arasynda ushaq qatynaıtynyn jazǵan bolatynbyz.
Sonymen qatar, Qazaqstannan Seıshel araldaryna alǵash ret tikeleı reıs ashylǵany týraly aıtylǵan edi.