Alǵashqy kezeńde 2 577 adamǵa qarjylaı qoldaý kórsetý josparlanǵan.
Memlekettik grant kólemi – 1 mln 380 myń teńge. Aqsha isin jańa bastaǵan kásipkerlerge nemese tirkelgen jumyssyzdarǵa beriledi. Úmitkerler áleýmettik sanattaǵy azamat bolýǵa tıis.
Mysaly, múgedektigi bar adam, qandastar, óńirge qonys aýdarýshylar, turmysy nashar, kóp balaly otbasylar, asyraýshysynan aıyrylǵandar grantqa úmitker bola alady. Ótinim Business.enbek.kz portalynda nemese jergilikti jumyspen qamtý ortalyqtarynda qabyldanady. Grant qajetti qural-jabdyqtar, mal men qus, tuqym, oryn-jaılar alýǵa beriledi.
«Grant alý úshin úmitkerdiń «Bastaý Bıznes» jobasy boıynsha sertıfıkaty bolýǵa tıis. Oqý onlaın júredi. Áleýmettik talaptarǵa saı keletin kez kelgen adam osy joba arqyly kásipkerlik negizderi taqyrybynda bilimin jetildire alady. Grant turmys jaǵdaıy tómen azamattarǵa arnalǵanyn aıta keteıik. Ótinish bergende olar jumyssyz nemese jeke kásip ıesi bolýy kerek», - deıdi QR EHÁQM jumyspen qamtý departamentiniń bas sarapshysy Jadyra Orazbaeva.