Aqtóbe oblysynda ortalyq bazardaǵy zergerlik sheberhanalardyń birinde jumys isteıtin zerger klıentterdi aldap, altyn buıymdaryn lombardqa ótkizgeni anyqtaldy, dep habarlaıdy Aqshamnews.kz tilshisi.
Oblystyq polısıa departamentiniń málimetinshe, zergerge qatysty birneshe azamattan aryz túsken. Ol klıentterden altyn buıymdardy jóndeý nemese áshekeı jasaý úshin qabyldap alyp, keıin olardy lombardqa ótkizip, túsken aqshany jeke qajettilikterine jumsaǵan.
«Qazirgi tańda onyń keminde 20 alaıaqtyq deregine qatysy bary anyqtaldy. Jábirlenýshilerge keltirilgen jalpy shyǵyn 12 mıllıon teńgeden asady. Kúdikti ýaqytsha ustaý ızolátoryna qamaldy, tergeý jumystary júrgizilip jatyr», – delingen habarlamada.