Түркі әлемінің өткенінен сыр шертер жәдігерлер Моңғолияның Номгон аңғарында табылған.
Құтлық Елтеріс - жетінші ғасырда екінші түрік қағанатын құрған қаған, деп хабарлайды Almaty-akshamy.kz Qazaqtv.com-ға
«Қазірге дейін түркі тарихында белгілі және Томсон тарапынан ашылған 130 жылдан бергі ең ауқымды тарихи-археологиялық жаңалық десек, кем айтпаймыз. Түркі дәуірінің құнды жәдігерінде «түрік» атауы алғаш рет кездесетін ең көне жазба ескерткіші болып табылады. Бұған дейін түрік атауы Білге қаған мен Күлтегін жазбаларында кездесетін еді», - дейді халықаралық түркі академиясының президенті м.а Физули Маджидли.
«Бурсаға арнайы тарихи жәдігеріміз жайлы білу үшін келдім. Бұл - бәріміздің ортақ жетістігіміз. Бастаманы көтерген ғалым әрі түркі дүниесіне еңбегі сіңген Дархан Қыдырәлі мен Түркі академиясына алғысымды айтамын. Енді біздің басты міндетіміз - мұны жедел түрде тарих және түркология оқулықтарына енгізу», - дейді Кавказ университеттері қауымдастығының президенті Рамазан Коркмаз.
Еске салайық, зерттеу жұмыстары Моңғол жерінде 2016 жылдан бері жалғасып келе жатыр. Алдағы уақытта Құтлық қаған кешенін ашық аспан мұражайына айналдырып, арнайы статус беру көзделіп отыр.