Астанада 24 қарашада үйінен шығып кеткен 14 жастағы мектеп оқушысы бірнеше сағаттан кейін өлі күйінде табылды, деп хабарлайды Аqshamnews.kz тілшісі.
Қалалық полиция департаментінің мәліметінше, қыз үйден шамамен 18:30-де шығып кетіп, содан кейін байланысқа шықпаған. Сағат 21:00-де ата-анасы полицияға хабарласқан. Іздеуге елордалық департаменттің барлық жеке құрамы және еріктілер жұмылдырылды.
Бірнеше сағатқа созылған іздестіру жұмыстарынан кейін қыздың денесі өзеннен табылды. Полиция мәліметінше, оқиға фактісі «өз-өзіне қол жұмсау» бабы бойынша қылмыстық іс қозғалып, болған жайттың барлық мән-жайы анықталып жатыр.
