Маңғыстауда кәмелетке толмаған балаға қатысты жыныстық сипаттағы қылмыс жасады деген күдікпен жергілікті видеограф ұсталды, - деп хабарлайды Аqshamnews.kz тілшісі.
Әлеуметтік желідн белгілі лақап атпен жұмыс істейтін, жергілікті пабликтер мен Ақтау әкімдігіне видеоролик түсіріп жүрген оператордың бірнеше апта бұрын аккаунттары жоғалып кеткені туралы жазбалар пайда болды. Жарияланымдардың бірінде оның танысы видеограф кәмелетке толмағандарға қатысты жыныстық сипаттағы әрекеттер бойынша жазылған арыздан кейін қамауға алынғанын айтқан. Аталған балалар одан видео түсіруді үйреніп жүргені атап өтілген.
Полиция бұл деректі растады. 4 қарашада құқық қорғау органдарына кәмелетке толмағанға қатысты жыныстық сипаттағы әрекет жасалғаны туралы арыз түскен. Арыз бойынша ҚР ҚК-нің 121-бабы 4-бөлігі бойынша қылмыстық іс қозғалды. Күдікті анықталып, ұсталған, соттың санкциясымен екі айға уақытша тергеу изоляторына қамалған.
«Полиция барлық тергеу және іс жүргізу шараларын толық көлемде жүргізіп жатыр. Оқиғаның мән-жайы анықталып жатыр, арыздағы деректер тексеріліп, қажетті сараптамалар тағайындалды», – деп хабарлады ведомство.
Полиция мәліметінше, жәбірленуші 13 жаста, ал күдіктінің жасы 29-да. Әлеуметтік желілердегі ақпаратқа қарағанда, ол дрон арқылы видеороликтер түсіріп келген.
