Атом электр станцияларының (АЭС) тиімділігі мен қауіпсіздігіне қатысты көптеген сұрақтар туындауда, бірақ бұл жерде әлемдік тәжірибеге назар аудару қажет.
АЭС күн мен жел электр станцияларына қарағанда тұрақты әрі сенімді энергия көзі болып табылады. Себебі, АЭС үзіліссіз жұмыс істеп, базалық қуатты тұрақты түрде қамтамасыз етеді, ал күн мен жел энергиясы ауа райы жағдайларына байланысты тұрақсыз болуы мүмкін.
АЭС-тің 3 және 3+ буын реакторлары заманауи қауіпсіздік технологияларының арқасында апат қаупін айтарлықтай азайтады. Бұл реакторлар толықтай жабық жүйелерде жұмыс істейді, сондықтан радиоактивті қалдықтардың сыртқа шығу ықтималдығы жоқ. Ғалымдардың пікірінше, бұл қалдықтар келесі буын реакторларында қайта өңделіп, толық жойылады, ал олардың қоршаған ортаға әсері мүлдем болмайды. Балқаш көлі мен оның айналасындағы экологияға да ешқандай зиян келмейді.
Мысал ретінде Германия мен Венгрияның электр энергиясын өндірудегі тәжірибесін келтіруге болады. Германияда 1 киловатт-сағатына электр энергиясының құны шамамен 0,5 евроны құраса, Венгрияда бұл көрсеткіш 0,1 евроға тең. Бұл айырмашылықтың негізгі себебі – Венгрия электр энергиясын АЭС-тен алса, Германияда энергияның көп бөлігі күн және жел электр станцияларынан келеді. Осы фактінің өзі-ақ АЭС-тің экономикалық тұрғыдан тиімді екенін дәлелдей алады.
Атом энергетикасы – бұл тек экономикалық пайда ғана емес, сонымен қатар экологиялық қауіпсіздіктің кепілі. Біз, Қазақстан, өзіміздің энергетикалық тәуелсіздігімізді қамтамасыз ету үшін және әлемдік озық тәжірибені қолдану үшін осы технологияға ден қоюымыз керек деп ойлаймын.