Атом электр станциясының (АЭС) құрылысы ұзақ уақытты талап етеді, себебі оның әрбір құрылымының қауіпсіздігі қатаң бақылаудан өтеді. Әр кезеңде барлық техникалық, экологиялық және қауіпсіздік талаптары толық сақталуы қажет. Бұл – атом энергетикасының негізгі артықшылығы, себебі қауіпсіздік бірінші орында тұрады.
Уранды пайдаланып АЭС-тен энергия алатын болсақ, оның пайдалану коэффициенті 90%-ға жетеді. Бұл дегеніміз, АЭС тұрақты түрде, 24 сағат бойы, күн-түн демей үздіксіз энергия өндіреді. Күн электр станцияларының пайдалану коэффициенті небәрі 18%-ды құрайды, бұл олардың 4 есе тиімсіз екенін көрсетеді.
Кейбіреулер АЭС-ті кез келген уақытта тоқтатып, қайта қосуға болады деп ойлауы мүмкін, бірақ бұл дұрыс емес. Атом электр станциясын тоқтатып, қайта қосу өте күрделі және уақыт алатын процесс.
Атом электр стансасы ешқашан тоқтамайды. Ол 24 сағат бойы үздіксіз жұмыс істейді. Әр 4-5 жыл сайын техникалық тексеру жүргізіліп, отыны алмастырылады. Содан кейін станса тағы 5 жыл бойы үздіксіз жұмысын жалғастырады. Осындай жүйе арқылы біз елді тұрақты энергия көзімен қамтамасыз ете аламыз.