Әлемнің алтыншы ракеткасы Елена Рыбакина Эр-Риядта (Сауд Арабиясы) өтіп жатқан WTA қорытынды турнирін жеңіспен бастады, - деп хабарлайды aqshamnews.kz тілшісі.
Алғашқы матчте Рыбакина әлемнің төртінші ракеткасы америкалық Аманда Анисимованы 6:3, 6:1 есебімен ұтты.
Матч 58 минутқа созылды. Осы уақыт ішінде Рыбакина жеті эйс жасап, бір қос қателік жіберді және бес брейк-пойнттың төртеуін пайдаланды.
Қазақстандық спортшы Серена Уильямс тобы аясындағы келесі кездесуін әлемнің екінші ракеткасы, польшалық Ига Швентекке қарсы өткізеді.