Психиатр, медицина ғылымдарының докторы Андрей Шмиловичтің айтуынша, депрессияға шалдыққан адамдар әрдайым тұнжырап, адамдармен араласқысы келмейді деген қате. Ол бұл дерттің тосын белгілерін aif.ru-ға берген сұхбатында баяндады, - деп хабарлайды aqshamnews.kz тілшісі.
"Жоғары функционал депрессия" кезінде адамдар әзілдеп, достарымен кездесіп, жұмысқа барып жүре береді. Олар осылай өз күйін және ниеттерін жасыруы мүмкін", - деді Шмилович.
Алайда мұндай мінез-құлық түптеп келгенде өмір үшін қауіпті болуы мүмкін екен.
Психиатр классикалық депрессияда көз қарашығы офтальмологиялық немесе өзге себепсіз ұлғайып тұратынын қосты. Сонымен қатар, қан қысымы мен пульс жоғарылауы, терінің бозаруы байқалуы ықтимал. Шмиловичтің айтуынша, әйелдерде кейде етеккір циклі бұзылады.
Шмилович маусымдық депрессияны дәрі-дәрмекпен емдеу, психотерапия және жарық терапиясы тиімді екенін айтты. Мұндай диагноз қойылған адамдар дұрыс ұйықтап, күндіз серуендеп, физикалық белсенді болуы маңіызды. Дәрігерлер жеткілікті ақуыз, күрделі көмірсулар және пайдалы майларды тұтыну ұсынды.