«ونلاين قوڭىراۋ شالۋ» سەرۆيسى ارقىلى كەڭەس الۋ مۇمكىندىگى بار.
بجزق زەينەتكەرلەر زەينەتاقى جيناقتارىنىڭ 50 پايىزىن الۋعا بولاتىنى تۋرالى اقپاراتتىڭ تارالۋىنا قاتىستى تۇسىنىكتەمە بەردى، دەپ حابارلايدى Almaty-akshamy.kz
«بجزق» اق قوعاممەن بايلانىس ءبولىمى تاراعان اقپاراتتىڭ شىندىققا جاناسپايتىنىن مالىمدەدى.
«قازاقستان رەسپۋبليكاسىنىڭ زاڭناماسىندا زەينەتكەرلەردىڭ تۇرعىن ءۇي جاعدايلارىن جاقسارتۋ جانە (نەمەسە) ەمدەلۋگە اقى تولەۋ ماقساتىندا مىندەتتى زەينەتاقى جارنالارى (بۇدان ءارى – مزج) جانە (نەمەسە) مىندەتتى كاسىپتىك زەينەتاقى جارنالارى (بۇدان ءارى – مكزج) ەسەبىنەن قالىپتاستىرىلعان زەينەتاقى جيناقتارىن پايدالانۋى:
- ەگەر زەينەتاقى مولشەرى الۋشىنىڭ ورتاشا ايلىق تابىسىن قازاقستان رەسپۋبليكاسىنىڭ ۇكىمەتى ايقىنداعان تارتىپپەن بەلگىلەنگەن 40 پايىزدان تومەن ەمەس دەڭگەيدە الماستىرۋ كوەففيسيەنتىن قامتاماسىز ەتسە، كوزدەلگەن»، - دەلىنگەن حابارلامادا.
بۇل رەتتە ءبىرجولعى زەينەتاقى تولەمى ۋاكىلەتتى وپەراتوردان العاشقى ەلەكتروندىق حابارلامانى العان كۇنى سالىمشىنىڭ (الۋشىنىڭ) مزج جانە (نەمەسە) مكزج ەسەبىنەن زەينەتاقى جيناقتارى مولشەرىنىڭ 50 پايىزىنان اسپاۋعا ءتيىس.
«وسىعان بايلانىستى بجزق الەۋمەتتىك جەلىلەردە جانە باسقا دا كوزدەردە تاراتىلىپ جۇرگەن، جيناقتاردىڭ 50 پايىز الۋ مۇمكىندىگى تۋرالى «جالعان» حابارلامالاردى ەلەمەۋگە كەڭەس بەرەدى! ونىڭ ۇستىنە، بجزق بارلىق وپەراسيالاردى تەگىن جۇرگىزەدى»، - دەپ تولىقتىردى.
قوردىڭ سەرۆيستەرى تۋرالى بارلىق اقپارات بجزق سايتىندا ورنالاستىرىلعان، بارلىق قىزمەتتەر قور بولىمشەلەرىندە نە enpf.kz سايتى نەمەسە بجزق/ەنپف ۇيالى قوسىمشاسى ارقىلى ونلاين-فورماتتا كورسەتىلەدى.
بجزق بولىمشەلەرىنەن نەمەسە قاشىقتىقتان، اتاپ ايتساق، كوپ ارنالى تەگىن بايلانىس ارقىلى، بايلانىس ورتالىعىنىڭ 1418 نومىرىنە قوڭىراۋ شالۋ، سونداي-اق «سىنىپتاستار»، Telegram، «Facebook»، «كونتاكتىدە»، «Twitter» جانە «Instagram» سياقتى تانىمال پلاتفورمالارداعى الەۋمەتتىك جەلىلەردەگى رەسمي پاراقشالار ارقىلى، +7 777 000 1418 ءنومىرى بويىنشا WhatsAرp كومەگىمەن كەز كەلگەن اقىل-كەڭەستى الۋعا بولادى.
قازاقستان رەسپۋبليكاسىنان تىس جەرلەردەگى سالىمشىلار (الۋشىلار) ءۇشىن +7 (727) 356-10-60 ءنومىرى بويىنشا نەمەسە قوردىڭ كورپوراتيۆتىك سايتىندا ورنالاستىرىلعان «ونلاين قوڭىراۋ شالۋ» سەرۆيسى ارقىلى كەڭەس الۋ مۇمكىندىگى بار.