2024 جىلدان باستاپ زەينەتاقى تاعايىنداۋ پروسەسى وزگەرتىلىپ، مۇلدەم جاڭا فورماتتا جۇرگىزىلەدى. بۇل تۋرالى ۇكىمەت وتىرىسىندا سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين ايتتى، دەپ حابارلايدى اlmaty-akshamy.kz.
"سيفرلىق سەرۆيستەر بىلتىر ەنگىزىلسە دە حالىقتىڭ ۇلكەن سۇرانىسىنا يە بولىپ وتىر. ادىلەت مينيسترلىگىمەن سەنىمحاتتاردىڭ 5 پايىزىن سيفرلىق فورماتقا كوشىردىك. بۇل جۇمىس جالعاسۋدا. اۆتوكولىكتى تىركەۋدىڭ 55 پايىزى ونلاين فورماتتا جاسالادى. بۇل - ىشكى ىستەر مينيسترلىگى مەن «ازاماتتارعا ارنالعان ۇكىمەت» كورپوراسياسىنىڭ ورتاق جۇمىسى. يپوتەكانىڭ 67 پايىزى بانكتەردە ونلاين تىركەلەدى. «ەلەكتروندىق ۇكىمەت» ءار ازاماتتى تۋعان كۇنىمەن قۇتتىقتاۋدى نەمەسە قۇجاتتاردىڭ مەرزىمى اياقتالىپ قالعانى تۋرالى الدىن-الا حابارلاۋدى ۇيرەندى»، - دەدى مينيستر.
ونىڭ اتاپ وتۋىنشە، مۇنىمەن شەكتەلمەي، باسقا سالالارداعى سۇرانىسقا يە قىزمەتتەردى دە سيفرلاندىرۋ قولعا الىنعان.
«مىسالى، زەينەتاقى تاعايىنداۋ پروسەسى وزگەرتىلىپ، كەلەسى جىلى مۇلدەم جاڭا فورماتتا جۇرگىزىلمەك. سونىمەن قاتار جۇمىسقا تۇرۋ كەزىندە تالاپ ەتىلەتىن 12 ءتۇرلى انىقتامالاردى جويۋ، ينتەرنەتكە قوسىلۋ، دەكلاراسيا تاپسىرۋ، بالاباقشاعا كەزەككە تۇرۋ سياقتى جوبالار ازىرلەنىپ جاتىر. جوبالاردى ساپالى جانە ۋاقىتىلى ەنگىزۋدى مەملەكەتتىك ورگانداردان سۇرايمىز»، - دەدى باعدات مۋسين.