سالىمشىلار ءۇشىن زەينەتاقى كالكۋلياتورىندا جاڭا فۋنكسيالار پايدا بولدى
ءبىرىڭعاي جيناقتاۋشى زەينەتاقى قورىنىڭ رەسمي سايتى مەن ءموبيلدى قوسىمشاسىنداعى زەينەتاقى كالكۋلياتورى جاڭاردى، دەپ حابارلايدى Almaty-akshamy.kz ءبىرىڭعاي جيناقتاۋشى زەينەتاقى قورىنا سىلتەمە جاساپ.
بولجامدى زەينەتاقى كالكۋلياتورى بولاشاق زەينەتاقىنى جوسپارلاۋ قۇرالى.
اتالعان قۇرال سالىمشىعا زەينەتاقى تولەمدەرىنىڭ بولجالدى مولشەرىن ەسەپتەۋگە مۇمكىندىك بەرەدى.
مىسالى:
• مەملەكەتتىك بيۋدجەت (بازالىق زەينەتاقى جانە ورتاق (ەڭبەك) زەينەتاقى)؛
• بجزق-عا جۇمىسكەرلەردىڭ تابىسىنان تولەنەتىن 10% مىندەتتى زەينەتاقى جارنالارى؛
• 5% مىندەتتى كاسىپتىك زەينەتاقى جارنالارى. ونى جۇمىس بەرۋشى بجزق-عا ەڭبەك جاعدايى ءقاۋىپتى، زياندى جۇمىسپەن اينالىساتىن جۇمىسكەرلەردىڭ پايداسىنا اۋدارادى؛
• ەرىكتى زەينەتاقى جارنالارى.
سالىمشىلار ءۇشىن زەينەتاقى كالكۋلياتورىندا جاڭا فۋنكسيالار پايدا بولدى.
بىرىنشىدەن، زەينەتاقى كالكۋلياتورى جيناقتاردى الۋ جوسپارلانعان جاعدايدا زەينەتاقى تولەمدەرىن ەسەپتەۋگە مۇمكىندىك بەرەدى. پايدالانۋشى وزدىگىنەن كەلەسى تەتىكتەردى تاڭداي الادى:
- زەينەتاقى جيناقتارىن الاتىن جىلى جانە قالاعان سوماسى،
- الىنعان سومادان جەكە تابىس سالىعىن (جتس) ءبىر رەت ۇستاپ قالۋ (تولىق كولەمدە، بجزق-دان جيناقتاردى الۋ كەزىندە) نەمەسە اي سايىن (بجزق-دان زەينەتاقى تولەمدەرىن الۋ كەزىندە تەڭ ۇلەستەرمەن).
ەكىنشىدەن، كالكۋلياتورعا زاڭنامادا كوزدەلگەن تۇزەتۋ كوەففيسيەنتىن ەسكەرە وتىرىپ، ءقاۋىپتى جانە زياندى وندىرىستەردە كەمىندە 60 اي جۇمىس ىستەگەن قىزمەتكەرلەر ءۇشىن بجزق-دان تولەنەتىن تولەمدەردى كوتەرمەلەۋ ەسەبى قوسىلدى.
ۇشىنشىدەن، كالكۋلياتور زەينەتاقى جيناقتارىنىڭ ءبىر بولىگىن ينۆەستيسيالىق پورتفەلدى باسقارۋشىلارعا (يپب) اۋدارعان جاعدايدا زەينەتاقى تولەمدەرىنىڭ قوزعالىسىن كورۋگە مۇمكىندىك بەرەدى.
ەستەرىڭىزگە سالا كەتسەك، زەينەتاقىنى ەسەپتەۋ ءۇشىن «نەگىزگى دەرەكتەر» بلوگىندا جەكە مالىمەتتەردى (تۋعان كۇنى، جىنىسى، ەڭبەك ءوتىلى، جيناق سوماسى جانە ت.ب.) تولتىرۋ قاجەت. ەگەر enpf.kz سايتىنداعى جەكە كابينەتتە الدىن الا تىركەلگەن بولساڭىز، كالكۋلياتوردا دا اۆتوماتتى تۇردە تولتىرىلادى.
«ناتيجە ءسىزدىڭ بولجامدى زەينەتاقى بلوگىندا كورسەتىلەدى. زەينەتكە شىعۋ جاسى مەن كۇنىن، جيناقتار تاۋسىلعانعا دەيىنگى جىلدار سانىن (بجزق-دان تولەمدەر العان جاعدايدا)، زەينەتكە شىعۋ ساتىندەگى جالاقىنىڭ بولجامدى مولشەرىن جانە تابىستى بولجامدى زەينەتاقىعا اۋىستىرۋ كوەففيسيەنتىن قامتيدى. سونىمەن قاتار كەتسە تۇرىندە كورسەتىلگەن جىلدار بويىنشا بولجامدى زەينەتاقىنىڭ وزگەرۋ ۇدەرىسى دە قامتىلادى»، - دەپ جازىلعان حابارلامادا.
سونداي-اق ءاربىر سالىمشىنىڭ بولاشاق زەينەتاقىسىنىڭ مقلشەرى ونىڭ زەينەتاقى جيناقتارىنا بايلانىستى بولىپ كەلەدى.
«زەينەتاقىنى ەسەپتەۋ ناتيجەلەرى كەپىلدەندىرىلگەن تولەم ەمەس، ول بولجام. ءاربىر سالىمشىنىڭ بولاشاق زەينەتاقىسىنىڭ مولشەرى ونىڭ زەينەتاقى جيناقتارىنا بايلانىستى ەكەنىن ەسكەرۋ قاجەت. جيناقتاردىڭ كولەمىنە ەڭ الدىمەن، زەينەتاقى جارنالارىنىڭ مولشەرى، ولاردى تولەۋدىڭ جۇيەلىلىگى مەن تولىقتىعىنا بايلانىستى. سونداي-اق، ينۆەستيسيالىق تابىستا اسەر ەتەدى. بولجامدى زەينەتاقى كالكۋلياتورىنىڭ بارلىق ەسەپتىك ناتيجەلەرى ناقتى قۇندىق ماندە ۇسىنىلادى»، - دەپ جازىلعان حابارلامادا.