تۇرعىن ءۇي ساتىپ الۋ
زەينەتاقى قورىنداعى جيناقتار ەسەبىنەن دەپوزيتتەردى تولتىرۋ مۇمكىندىگى پايدا بولعاننان كەيىن 6 ساعات ىشىندە قازاقستاندىقتار 30 ملرد تەڭگە الۋعا ءوتىنىم بەردى، دەپ حابارلايدى Almaty-akshamy.kz بانكتىڭ جەلىدەگى پاراقشاسىنا سىلتەمە جاساپ.
«enpf-otbasy.kz ونلاين-پلاتفورماسىندا - زەينەتاقى جيناقتارىن وتباسى بانكىندەگى دەپوزيتكە اۋدارۋ مۇمكىندىگى پايدا بولعان العاشقى 6 ساعاتىڭ ىشىندە قازاقستاندىقتار ءوز دەپوزيتتەرىنە 30 ميلليارد تەڭگە اۋدارعۋعا ءوتىنىم بەرگەن»، - دەلىنگەن بانك حابارلاماسىندا.
ول ءۇشىن enpf-otbasy.kz ونلاين-پلاتفورماسىنا ەسق كومەگىمەن كىرىپ، «ماقساتتى تاڭداۋ» پەرنەسىن باسىپ، «تۇرعىن ءۇي ساتىپ الۋ» بولىمىندە «ودان ءارى جيناقتاۋ ءۇشىن تۇرعىن ءۇي قۇرىلىس جيناق سالىمىن تولىقتىرۋ» - دەگەن ماقساتتى تاڭداۋ قاجەت.
ەسكە سالساق، 16 جەلتوقساننان باستاپ enpf-otbasy.kz ونلاين-پلاتفورماسىندا - «وتباسى بانكىندەگى سالىمدى تولىقتىرۋ» باتىرماسى پايدا بولدى.
سونىمەن قاتار زەينەتاقى جيناعىن بانكتەگى دەپوزيتكە اۋدارعان سوڭ ءۇش جىل ىشىندە تۇرعىن ءۇي زاەمىن رەسىمدەۋ قاجەت.
2022 جىلدىڭ 1 قاڭتارىنان ءبىرجولعى زەينەتاقى تولەمىن الۋدىڭ جەتكىلىكتىلىك شەگى 1،8 ەسە كوتەرىلەتىنى ءمالىم ەتىلگەن بولاتىن. كەيىن ق ر پرەزيدەنتى شەكتى مەجەنى 2022 جىلدىڭ 1 ساۋىرىنە دەيىن كوتەرمەۋدى تاپسىردى.