زارداپ شەككەن دارىگەرلەرگە، قاۋىپسىزدىك قىزمەتكەرلەرىنە جانە ءورت سوندىرۋشىلەرگە وتەماقى تولەنەدى

بۇل ماقساتتارعا 10 012 ادامعا، ونىڭ ىشىندە 3 880 پوليسيا دەپارتامەنتىنىڭ، 1 207 - تجد، 93 - قۇتقارۋ قىزمەتىنىڭ، 4 832 – مەديسينا قىزمەتكەرىنىڭ قىزمەتكەرلەرىنە 1،6 ملرد تەڭگە بولىنەدى.

باقىتجان ساعىنتايەۆ مەملەكەت باسشىسىنىڭ زارداپ شەككەن بيزنەستى قالپىنا كەلتىرۋ جانە قالانى ودان ءارى دامىتۋ تۋرالى تاپسىرمالارىن ورىنداۋ بويىنشا الماتى قالاسىنىڭ اكتيۆىندە سويلەگەن سوزىندە زارداپ شەككەن پوليسيا قىزمەتكەرلەرىن، قۇتقارۋ قىزمەتى مەن مەديسينالىق ۇيىمداردى قولداۋ تۋرالى ايتىپ بەردى، دەپ حابارلايدى Almaty-akshamy.kz

«وسى كۇردەلى ءارى قيىن كۇندەرى قوعام زارداپ شەككەندەرگە وتەماقى تولەنەتىنىنە جانە قولداۋ كورسەتىلەتىنىنە سەنىمدى بولۋى كەرەك. ماسەلەن، زارداپ شەككەن قۇقىق قورعاۋ ورگاندارىنىڭ قىزمەتكەرلەرىنە، دارىگەرلەر مەن ءورت سوندىرۋشىلەرگە جالپى سوماسى 220،5 ميلليون تەڭگە، ال اۋىر   جاراقات العاندارعا ەكى ميلليون تەڭگەدەن، ورتاشا جاراقاتتاندارعا ءبىر ميلليوننان، جەڭىل جاراقاتتاندارعا 500 مىڭ تەڭگەدەن وتەماقى تولەنەتىن بولادى»، - دەپ حابارلادى باقىتجان ساعىنتايەۆ.

ول سونداي-اق، توتەنشە جاعداي كەزىندە وسى ىسكە جۇمىلدىرىلعان قۇقىق قورعاۋ ورگاندارىنىڭ قىزمەتكەرلەرى مەن مەديسينا قىزمەتكەرلەرىنە ماتەريالدىق كومەك كورسەتىلەتىنىن اتاپ ءوتتى. بۇل ماقساتتارعا 10 012 ادامعا، ونىڭ ىشىندە 3 880 پوليسيا دەپارتامەنتىنىڭ، 1 207 - تجد، 93 - قۇتقارۋ قىزمەتىنىڭ، 4 832 – مەديسينا قىزمەتكەرىنىڭ قىزمەتكەرلەرىنە 1،6 ملرد تەڭگە بولىنەدى.