الماتىدا اكىم ەربولات دوسايەۆتىڭ تۇرعىندار وتىنىشىنە نازار اۋدارعاننان سوڭ زاڭسىز كارەرلەر جابىلدى، دەپ حابارلايدى اlmaty-akshamy.kz.
2022 جىلعى 16 مامىردا اكىمنىڭ ناۋرىزباي اۋدانىنىڭ حالقىمەن كەزدەسۋى بارىسىندا تۇرعىندار ەربولات دوسايەۆتان الماتى وبلىسى قاراساي اۋدانىنىڭ اۋماعىنداعى كارەردىڭ يەلەرىنە شارا قولدانۋدى، ولاردىڭ تۇرعىن ۇيلەرگە جاقىن ورنالاسقانىن ءارى ۇنەمى شۋ مەن شاڭ-توزاڭنان كوز اشپايتىندارىن ايتىپ شاعىمدانعان ەدى.
«ءبىزدى اقجار شاعىناۋدانىنداعى جۇمىس ىستەپ تۇرعان كارەر تولعاندىرادى، ول تاۋلىك بويى جۇمىس ىستەيدى. بۇل وتە شۋلى جانە شاڭنان كوز اشپايمىز. كارەر قاراساي اۋدانىنا قارايدى، ءبىراق ءبىز – ناۋرىزباي اۋدانىنىڭ تۇرعىندارىمىز. كارەر مەن تۇرعىن ۇيلەر اراسىنداعى قاشىقتىق - 10-15 مەتر. جەر قويناۋىن پايدالانۋ تۋرالى زاڭعا سايكەس كارەر كەمىندە 500 مەتر قاشىقتىقتا بولۋى كەرەك – بۇل سانيتارلىق-قورعاۋ ايماعى. ءبىز كارەر قىزمەتكەرلەرىنە جۇگىندىك، ولار سىزگە حابارلاسۋدى ايتتى. ءبىز كارەردىڭ ليسەنزياسىن قايتارىپ الۋدى قالايمىز جانە ءسىزدىڭ تاراپىڭىزدان تۇنگى ۋاقىتتا كارەردىڭ جۇمىسىن شەكتەۋگە كومەكتەسۋىڭىزدى وتىنەمىز»، – دەدى اۋدان تۇرعىندارى.
«اتالعان كارەر الماتى مەن الماتى وبلىسىنىڭ تۇيىسكەن جەرىندە ورنالاسقان. مەن وبلىس اكىمىنەن كارەردىڭ بولاشاعى جانە ونىمەن نە ىستەۋگە نيەتتى ەكەندەرىن ناقتىلايمىن. ارينە، جاۋاپ بەرەمىن. ال، ناۋرىزباي اۋدانىنىڭ اكىمىنە كارەردىڭ تۇنگى ۋاقىتتاعى جۇمىسىنا قاتىستى ماسەلەنى شەشۋدى تاپسىرامىن»، – دەپ جاۋاپ بەردى الماتى اكىمى ەربولات دوسايەۆ.
بۇرىندارى تەكسەرۋ ناتيجەسىندە الماتى قالاسى مەن الماتى وبلىسى قاراساي اۋدانىنىڭ اكىمدىكتەرى كارەرلەردى قازۋ ءۇشىن كەمىندە قاشىقتىعى 500 شاقىرىم بولۋى ءتيىس سانيتارلىق قورعاۋ ايماعى نازارعا الىنباعان.
تۇرعىندار قالا اكىمىنە جۇگىنگەننەن كەيىن ماسەلە وڭ شەشىمىن تاپتى. الماتى قالاسى اكىمدىگىنىڭ ءوتىنىشى بويىنشا الماتى وبلىسىنىڭ اكىمدىگى كارەردىڭ جۇمىسىن تەكسەرۋدى ۇيىمداستىردى، ناتيجەسىندە قولدانىستاعى زاڭناما تالاپتارىنىڭ بۇزىلعانى راستالدى.
ناۋرىزباي اۋدانىمەن شەكارادا كارەردى ازىرلەۋمەن ءۇش فيرما اينالىستى. قازىرگى ۋاقىتتا ەكى كاسىپورىننىڭ جۇمىسى توقتاتىلدى جانە تاراتۋ ساتىسىندا تۇر. ءۇشىنشى كومپانيا بويىنشا جۇمىستار توقتاتىلدى.