اۋىل شارۋاشىلىعى ماقساتىنداعى 2،9 ملن گەكتار جەر مەملەكەتكە قايتارىلدى
جىلدىڭ سوڭىنا دەيىن كەمىندە 5 ميلليون گەكتار جەردى قايتارىپ الۋ جوسپارلانىپ وتىر، دەدى ق ر پرەزيدەنتى قاسىم-جومارت توقايەۆ جولداۋىندا.
«يگەرىلمەي جاتقان جەردى قايتارىپ الۋ جونىندەگى كوميسسيانىڭ قىزمەتىنە جەكە توقتالعىم كەلەدى. كوميسسيا جۇمىسىنىڭ اياسىندا اۋىل شارۋاشىلىعى ماقساتىنداعى 2،9 ميلليون گەكتار جەر مەملەكەتكە قايتارىلدى. جىلدىڭ سوڭىنا دەيىن كەمىندە 5 ميلليون گەكتار جەردى قايتارىپ الۋ جوسپارلانىپ وتىر. يگەرىلمەي جاتقان نەمەسە زاڭسىز بەرىلگەن جەر كولەمى 10 ميلليون گەكتارعا جۋىقتايدى. ۇكىمەت پەن اكىمدىكتەر كەلەسى جىلدىڭ سوڭىنا دەيىن وسى جەرلەرگە قاتىستى ناقتى شەشىم قابىلداۋعا ءتيىس. ءقازىر جەر ماسەلەسىن تەكسەرۋگە جاريالانعان موراتوريي دە كۇشىن جويدى. بۇل قادام جۇمىسقا وڭ ىقپالىن تيگىزەدى دەپ ويلايمىن»، - دەدى ق ر پرەزيدەنتى.