2025 جىلعى 12 ماۋسىمدا ق ر پارلامەنتى سەناتىنىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ءۇي قۇرىلىسىنا ۇلەستىك قاتىسۋ، اۆتوموبيل جولدارى جانە مۇگەدەكتىگى بار ادامداردى تاسىمالداۋ جونىندەگى قىزمەتتەردى كورسەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قرز جوباسى قابىلداندى.
بۇل تۋرالى Aqshamnews.kz ونەركاسىپ جانە قۇرىلىس مينيسترلىگىنە سىلتەمە جاساي وتىرىپ حابارلايدى.
زاڭ جوباسى شەڭبەرىندە كەلەسى شارالار كوزدەلگەن:
- تۇرعىن ءۇي قۇرىلىسىنا ۇلەستىك قاتىسۋدىڭ تارتىمدىلىعىن ارتتىراتىن قۇرىلىس سالۋشىلارعا قويىلاتىن تالاپتاردى تومەندەتۋ جانە جاعدايلاردى جاقسارتۋ؛
- ۇلەسكەرلەردىڭ اقشاسىن ۇلەستىك زاڭنامانى اينالىپ وتۋگە تارتۋ تۋرالى شارتتار جاساسۋعا تىيىم سالۋعا باعىتتالعان مەملەكەتتىك رەتتەۋدى كۇشەيتۋ؛
- تۇرعىن ءۇي قۇرىلىسىنا ۇلەستىك قاتىسۋ شەڭبەرىندە جەكە تۇرعىن ءۇي كەشەندەرىن سالۋ؛
- ۇلەسكەرلەردىڭ اقشاسىن تارتۋعا رۇقساتسىز سالىنىپ جاتقان تۇرعىن ءۇيدى جارنامالاۋعا تىيىم سالۋ.
كورسەتىلگەن نورمالار ۇلەستىك قۇرىلىس پروسەستەرىنىڭ زاڭدىلىعى مەن اشىقتىعىن قامتاماسىز ەتۋ، قۇرىلىس نارىعىنىڭ بارلىق قاتىسۋشىلارىن تەڭەستىرۋ، مەملەكەت تاراپىنان باقىلاۋدى كۇشەيتۋ جولىمەن ۇلەسكەرلەردىڭ قۇقىقتارى مەن زاڭدى مۇددەلەرىن قورعاۋعا جانە تۇرعىن ءۇي نارىعىن تۇراقتاندىرۋعا مۇمكىندىك بەرەدى.