الماتى قالاسىنىڭ تۇركسىب اۋدانىنداعى №11 ءورت ءسوندىرۋ ءبولىمىنىڭ قىزمەتكەرلەرىنە ارنالعان ماڭىزدى ءاقپاراتتىق-تۇسىندىرۋ شاراسى ءوتتى.
بۇل شارا ساياحات ساۋدا ورتالىعىندا ۇيىمداستىرىلىپ، راديومۇنارا ارقىلى كوپشىلىككە تاراتىلدى، دەپ حابارلايدى aqshamnews.kz.
ءىس-شارانىڭ باستى ماقساتى – ءدىني ەكسترەميزم مەن تەرروريزمنىڭ الدىن الۋ ارقىلى مەملەكەتتىك قۇرىلىم قىزمەتكەرلەرىنىڭ ءدىني جانە قۇقىقتىق ساۋاتتىلىعىن ارتتىرۋ بولدى.
شارانى الماتى قالاسىنىڭ ءاقپاراتتىق-تۇسىندىرۋ توبىنىڭ مۇشەسى، ءدىنتانۋ ماگيسترى مادينا سەرىك قىزى اليمگوجينوۆا جۇرگىزدى. ءوز سوزىندە ول قازاقستان رەسپۋبليكاسىنىڭ كونستيتۋسياسى مەن ءدىن سالاسىنا قاتىستى زاڭنامالىق اكتىلەرگە توقتالىپ، مەملەكەتتىك قىزمەتكەرلەردىڭ ءدىني ساۋاتتىلىعى ەلدەگى تۇراقتىلىقتىڭ كەپىلى ەكەنىن اتاپ ءوتتى.
اليمگوجينوۆا ءدارىس بارىسىندا تىڭداۋشىلارعا ءدىني سەنىم بوستاندىعى مەن ءدىني ەكسترەميزم اراسىنداعى ايىرماشىلىقتى ءتۇسىندىرىپ، ناقتى مىسالدار ارقىلى دەسترۋكتيۆتى اعىمداردىڭ ارەكەت ەتۋ تەتىكتەرىن كورسەتتى. ونىڭ ايتۋىنشا، راديكالدى يدەيالار كوپ جاعدايدا ادامنىڭ قۇقىقتىق جانە رۋحاني دايىنسىزدىعىن پايدالانا وتىرىپ، تەرىس باعىتقا بۇرۋعا تىرىسادى.
ءدارىس بارىسىندا قاتىسۋشىلارعا تەرىس ءدىني اعىمداردىڭ قوعامعا توندىرەتىن قاۋىپتەرى تۋرالى ارنايى بەينەماتەريال كورسەتىلدى. اتالمىش روليكتەردە ەكسترەميستىك ۇيىمداردىڭ ازاماتتاردى قالاي الدايتىنى جانە ولاردان قالاي ساقتانۋ كەرەكتىگى ناقتى مىسالدارمەن بەرىلدى.
سونىمەن قاتار، ءدىنتانۋشى مامان تەرىس اقپارات تاراتاتىن تۇلعالارمەن بايلانىس ورناتۋدان اۋلاق بولۋدى، ءدىني مازمۇنداعى اقپاراتتاردى تەك رەسمي كوزدەردەن الۋدى ۇسىندى. قىزمەتتىك مىندەتىن اتقارىپ جۇرگەن تۇلعالار ءۇشىن بۇل – كاسىبي عانا ەمەس، ادامگەرشىلىك تۇرعىدان دا ماڭىزدى قاعيدات.
شارا سوڭىندا قاتىسۋشىلار ۇيىمداستىرىلعان ءدارىستىڭ مازمۇنى مەن بەرىلگەن اقپاراتتىڭ وزەكتىلىگىنە ەرەكشە توقتالدى. ءورت ءسوندىرۋ قىزمەتكەرلەرى ءۇشىن قوعامدىق قاۋىپسىزدىك پەن ىشكى تۇراقتىلىقتى ساقتاۋ – كۇندەلىكتى مىندەتتەردىڭ ءبىرى. وسى ورايدا ءدىني جانە قۇقىقتىق تۇرعىدان اقپاراتتانۋ ولاردىڭ قىزمەتىنە تىكەلەي اسەر ەتەتىنى ءسوزسىز.
الماتى قالاسىنىڭ تۇركسىب اۋدانىنداعى №11 ءورت ءسوندىرۋ بولىمىندە وتكەن بۇل اقپاراتتىق ءدارىس — ءدىني ەكسترەميزم مەن تەرروريزمنىڭ الدىن الۋ باعىتىندا جاسالىپ جاتقان جۇيەلى جۇمىستىڭ ءبىر بولىگى. مەملەكەتتىك قىزمەتكەرلەردىڭ ءدىني ساۋاتتىلىعىن ارتتىرۋ – قوعام قاۋىپسىزدىگىن قامتاماسىز ەتۋدىڭ ماڭىزدى قادامى. وسىنداي شارالار قۇقىقتىق مادەنيەتتى نىعايتىپ، راديكالدى يدەولوگيالارعا قارسى تۇراتىن تۇراقتى يممۋنيتەت قالىپتاستىرادى.