سپورتشى ءتورتىنشى تيتۋلىنا قول جەتكىزدى.
قازاقستاندىق زاڭعار نۇرلان ۇلى فرانسياداعى 14 جاسقا دەيىنگىلەر اراسىندا ءبىرىنشى ساناتتى Tennis Europe ءتۋرنيرىنىڭ چەمپيونى اتاندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستان تەننيس فەدەراسياسى ءمالىم ەتكەنىندەي، زاڭعار فينالدا فرانسيالىق تيمەو ترۋفەلليمەن باس جۇلدەنى ساراپقا سالدى.
ءبىرىنشى پارتيادا كورت يەسى باسىمدىلىق تانىتتى - 7:5. دەگەنمەن ەكىنشى سەتتە زاڭعار ويىن تىزگىنىن ءوز قولىنا الا ءبىلدى - 6:1.
ءۇشىنشى، شەشۋشى پارتيادا دا ز.نۇرلان ۇلى قارسىلاسىنا دەس بەرگەن جوق - 6:1.
فينالعا دەيىنگى جولدا قازاقستاندىق تەننيسشى اۋستريا، رەسەي جانە فرانسيا ەلدەرىنىڭ مىقتى ويىنشىلارىن قاپى قالدىردى.
وسىلايشا ول Tennis Europe سەرياسى بويىنشا وتكەن تۋرنيرلەردە ءتورتىنشى تيتۋلىنا قول جەتكىزدى.