الماتىدا 3 كۇندە زاڭدى وكىلدەرىنسىز كوشە كەزگەن 27 ءجاسوسپىرىم ەسەپكە قويىلدى. بۇل تۋرالى قالالىق پوليسيا دەپارتامەنتى ءمالام ەتتا، دەپ حابارلايدى aqshamnews.kz.
اعىمداعى جىلدىڭ 10 ايىندا تۇنگى رەيدتەردىڭ ارقاسىندا 18 مىڭنان استام اكىمشىلىك قۇقىق بۇزۋشىلىق انىقتالدى. جالپى، 2024 جىلدىڭ باسىنان بەرى ءتورت جۇزدەن استام ءجاسوسپىرىم پوليسيا ەسەبىندە تۇر.
«باقىلاۋسىز جۇرگەن جەتكىنشەكتەر قاراشانىڭ 26-سى مەن 28ء-ى ارالىعىندا وتكەن جەدەل پروفيلاكتيكالىق ءىس-شارا اياسىندا انىقتالعان. سونداي-اق، رەيد جۇمىستارى كەزىندە پەرزەنتىنىڭ تاربيەسىنە كوڭىل بولمەگەن 23 اتا-انا دا ەسەپكە الىنىپتى. جالپى بۇل ناۋقاننىڭ نەگىزگى ماقساتى – جاسوسپىرىمدەر اراسىندا قىلمىستىڭ جولىن كەسىپ، قۇقىقبۇزۋشىلىقتىڭ الدىن الۋ»، - دەيدى ءتارتىپ ساقشىلارى.
رەيد بارىسىندا تۇنگى ۋاقىتتا زاڭدى وكىلسىز تۇرعىن ۇيدەن تىس جەردە جۇرەتىن جاسوسپىرىمدەردى انىقتاپ، ولاردى زاڭدى وكىلدەرىنە تاپسىرامىز. الكوگولدىك ىشىمدىكتەردى پايدالانۋدى الدىن الۋ ءىس-شاراسىن وتكىزىپ، سونداي فاكتىلەردى انىقتاپ، ءوزىمىزدىڭ تاراپىمىزدان شارا قولداندىق. ەسەپتە تۇراتىن جاسوسپىرىمدەر مەن قولايسىز وتباسىلاردىڭ تۇرعىلىقتى مەكەن جايلارى بويىنشا تەكسەرۋ جۇمىستارىن وتكىزىپ، جۇيەلى تۇردە پروفيلاكتيكالىق اڭگىمە وتكىزەمىز، - دەپ پوليسيا دەپارتامەنتىءنىڭ اسا ماڭىزدى تاپسىرمالار جونىندەگى اعا ينسپەكتورى ۆەنەرا سيسەنوۆا حابارلادى.
ايتا كەتەيىك، جىل باسىنان بەرى ءدال وسىنداي 7 جەدەل الدىن الۋ ءىس-شاراسى ۇيىمداستىرىلعان. ناتيجەسىندە 418 ءجاسوسپىرىم مەن 559 الەۋمەتتىك از قامتىلعان وتباسى ەسەپكە الىنىپتى.