الماتى قالاسىنىڭ قىلمىستىق اتقارۋ جۇيەسى دەپارتامەنتىنە قاراستى لا-155/6 مەكەمەسىندە كامەلەتكە تولماعان ءجاسوسپىرىم سوتتالعاندار اراسىندا 30 تامىز – كونستيتۋسيا كۇنىنە وراي «اتا زاڭ – ەلىمنىڭ قورعانى» اتتى مادەني ءىس-شارا ءوتتى.
ونلاين فورماتتاعى جۇزدەسۋگە جامبىل اتىنداعى جاسوسپىرىمدەر كىتاپحاناسىنىڭ كوپشىلىك ءىس-شارالاردى ۇيىمداستىرۋ ءبولىمىنىڭ باسشىسى شاراينا قۇماروۆا جانە وقىرماندار زالى ءبولىمىنىڭ قىزمەتكەرلەرى اقەركە ابزەلبەك پەن سىمبات لەسبەك سىمبات مۇرىندىق بولدى.
بۇل مادەني شارانىڭ ماقساتى – جازالى جاسوسپىرىمدەردى ەلىمىزدىڭ اتا زاڭى تۋرالى جان-جاقتى حاباردار ەتىپ، مالىمەتتەر بەرۋ، سونداي-اق، ولاردىڭ زاڭ الدىنداعى جاۋاپكەرشىلىگىن ارتتىرۋعا، تۇزەۋ مەكەمەسىندە جۇرسە دە، جاقسى كۇندەردەن كۇدەر ۇزبەۋىنە سەپتەسۋ.
كىتاپحاناشى س.لەسبەك كونستيتۋسيامىزدىڭ ماقسات-مۇددەسىن اشاتىن بايانداماسىن وقىپ، تاريحتان باستاپ قازىرگى كۇنگە دەيىنگى قولدانىستاعى زاڭعا تولىق تۇسىنىكتەمە بەردى.
جازالى جاسوسپىرىمدەر كونستيتۋسيا كۇنىنە ارنالعان ولەڭ شۋماقتارىن ەكى تىلدە جاتقا وقىدى. ال ا.ابزەلبەك ەل مەن جەر تۋرالى قىزىقتى مالىمەتتەر تۋرالى تانىمدىق سۇراقتار قويىپ، قىزىقتى ويىن وتكىزدى. مەرەكە جامبىل اتىنداعى جاسوسپىرىمدەر كىتاپحاناسىنىڭ قىزمەتكەرلەرى دايىنداعان جاڭا كىتاپ كورمەسىمەن تۇيىندەلدى.
سوتتالعان بالالار اراسىنداعى الەۋمەتتىك-پسيحولوگيالىق تاربيە جۇمىسى ءبولىمى باستىعىنىڭ مىندەتىن اتقارۋشى ادىلەت اعا لەيتەنانتى بەكزات جاقانوۆ كىتاپحانا قىزمەتكەرلەرىنە مەكەمەنىڭ اتىنان العىس ءبىلدىردى.