بيىلعى جىل ەرەكشە ىستىق بولىپ تۇر. اپتاپتا كوز شىرىمىن الۋدىڭ ءوزى قيىنعا سوعادى. ءتىپتى، ۇيىقتاي الماي اۋرەگە سالىناتىنىڭىزدا بەلگىلى. ەندەشە، وسىنداي ىستىقتا سالقىنداتقىش بولماعان جاعدايدا قالاي ۇيقى قاندىرۋعا بولادى؟ ماماندار بىرنەشە ۇسىنىستارمەن بولىسەدى، دەپ حابارلايدى اlmaty-akshamy.kz.
ءبىرىنشى جانە ەڭ وڭاي ءادىس، ەگەر كونديسيونەر بولماسا، تەرەزەلەردى اشىپ، جان-جاقتان سوعاتىن جەل تيەتىن جەردى تاڭداۋ كەرەك. ونان كەيىن سۋدى كوپ ءىشۋ ۇسىنىلادى. ۇيىقتار الدىندا سۋىق دۋش قابىلداۋعا بولمايدى. بۇل كەرىسىنشە ۇيقىڭىزدى اشىپ، دەنە تەمپەراتۋراسىنىڭ جوعارىلاۋىن تۋدىرادى.
ىستىقتا كوڭىل-كۇيىڭىزدى كوتەرۋ ءۇشىن كەز كەلگەن ورامالدى سۋىق سۋمەن دىمقىلداپ، ونى مويىنىڭىزدى، ماڭدايىڭىزدى نەمەسە دەنەڭىزدى ءسۇرتىڭىز.
ىستىقپەن كۇرەسۋدىڭ باسقا جولدارى بار: جۇقا ماقتا شۇلىقتارىن الىپ، كەز كەلگەن پاكەتكە وراپ، مۇزداتقىشقا سالىپ قويىڭىز. توسەككە جاتىر الدىندا ونى كيىپ الساڭىز، جانىڭىز جاي تابارى ءسوزسىز. تاعى دا ءبىر ەل بىلەتىن ءادىستىڭ ءبىرى - توسەك جابىنىن سۋىق سۋعا باتىرۋ. سودان كەيىن ولاردى مۇقيات سىعىپ، توسەككە جايىپ قوياسىزدا جاتاسىز.
سونىمەن قاتار، ۇيىقتايتىن بولمەلەرىڭىزدىڭ دە ورنالاسۋى ماڭىزدى – ءبىرىنشى قاباتتا نەمەسە ەدەندە ۇيىقتاعان وڭتايلى. تومەندەگى اۋا جوعارىدان ءسال سالقىن. ەسكەرەتىن تاعى ءبىر جايت، تۇندە مايلى جانە اۋىر تاعامداردى جەۋگە بولمايدى. اقۋىزدىڭ كوپ مولشەرى مەتابوليزم جىلدامدىعىن ارتتىرادى، بۇل ءسىزدىڭ دەنەڭىزدىڭ قىزۋىنا الىپ كەلەدى.