ءالى دە تەرگەۋ ءجۇرىپ جاتىر.
كەشە تۇركيانىڭ ىستامبۇل قالاسىندا بولعان جارىلىستان زارداپ شەككەندەر اراسىندا قازاقستان ازاماتتارى جوق. بۇل تۋرالى ب ا ق وكىلدەرىنىڭ قاتىسۋىمەن وتكەن بريفينگتە ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى، دەپ حابارلايدى Almaty-akshamy.kz Almaty.tv cىلتەمە جاساپ.
«كەشەگى ىستامبۇلداعى سۋىق حاباردى ەستىپ، ءبىزدىڭ سول قالاداعى باس كونسۋلدىعى جەرگىلىكتى بيلىكپەن بايلانىسقا شىقتى. ارينە، اقپاراتتى انىقتاۋ ءبىراز ۋاقىت الدى. قازىرگى تاڭدا جارىلىستان زارداپ شەككەندەر اراسىندا قازاقستان ازاماتتارى جوق. تۇنىمەن ءبىزدىڭ ديپلوماتتار جاقىن ماڭداعى بارلىق اۋرۋحانالاردى زەرتتەپ شىقتى. قۋانىشقا وراي، ءبىزدىڭ ازاماتتارىمىز زارداپ شەككەندەر تىزىمىندە جوق. الايدا، ءالى دە تەرگەۋ ءجۇرىپ جاتىر. تەرگەۋگە بايلانىستى تۇركيا تاراپى وزگە اقپارات ۇسىنبايدى»، - دەدى ايبەك سمادياروۆ.