2024 جىلعى 16 قىركۇيەكتە قازاقستان رەسپۋبليكاسىنىڭ ەكولوگيا جانە تابيعي رەسۋرستار مينيسترلىگى گەرمانيا فەدەراتيۆتىك كانسلەرى ولاف ءشولستىڭ قازاقستانعا رەسمي ساپارى اياسىندا قازاقستان رەسپۋبليكاسىنىڭ سيفرلىق دامۋ، يننوۆاسيالار جانە اەروعارىشتىق ونەركاسىپ مينيسترلىگىمەن جانە «SIEMENS» جشس-مەن ەكولوگيالىق سالانى سيفرلاندىرۋ باعىتىندا ىنتىماقتاستىق تۋرالى مەموراندۋمعا قول قويدى، دەپ حابارلايدى aqshamnews.kz.
مەموراندۋم ەكولوگيالىق تاۋەكەلدەردى تالداۋ جانە باسقارۋ ءۇشىن وزىق تەحنولوگيالاردى قولدانۋدى قاراستىرادى. قازاقستاندا يننوۆاسيالىق جۇيەلەر ەنگىزىلەتىن بولادى، بۇل قورشاعان ورتانىڭ جاعدايىن باقىلاۋ ساپاسىن ايتارلىقتاي جاقسارتۋعا مۇمكىندىك بەرەدى. سونداي-اق، اۆتوماتتاندىرىلعان مونيتورينگ جۇيەلەرى سالاسىندا ەلدەر اراسىندا تاجىريبە الماسۋ جۇرگىزىلەدى، بۇل ەكولوگيالىق وزگەرىستەردى ءدال باعالاۋ جانە بولجاۋعا كومەكتەسەدى. بۇل قادامدار قازاقستان ازاماتتارى ءۇشىن تازا جانە دەنساۋلىقتى قورعايتىن قورشاعان ورتانى قۇرۋعا باعىتتالعان جانە ەكولوگيالىق تاۋەكەلدەردى باسقارۋعا وڭ اسەرىن تيگىزەدى.