“مەكتەپ اۆتوبۋسى” جوباسى اياسىندا مەگاپوليس وقۋشىلارى ساباققا جەرگىلىكتى اتقارۋشى ورگانداردىڭ ەسەبىنەن ىڭعايلى كولىك قۇرالدارىمەن قاتىنايدى. ارنايى باسپا ءسوز تۋرىن الماتى اكىمدىگىنىڭ باسپا ءسوز قىزمەتى مەن وڭىرلىك كوممۋنيكاسيالار قىزمەتى ۇيىمداستىردى. جۋرناليستەر مەن بلوگەرلەر مەكتەپ اۆتوبۋستارىن ىشىنەن كورە الدى.
امەريكالىق فيلمدەردەن كورىپ جۇرگەن مەكتەپ وقۋشىلارىن تاسيتىن سارى اۆتوبۋستاردى ەندى الماتىدان دا كورۋگە بولادى.
مەگاپوليس مەكتەپتەرى كۇن سايىن سەگىز مىڭنان استام وقۋشىنى تاسىمالدايتىن 100 جاڭا اۆتوبۋس الدى. ونىمەن نەگىزىنەن باستاۋىش سىنىپ وقۋشىلارى، سونداي-اق، شالعاي اۋدانداردا تۇراتىن وقۋشىلار قاتىنايدى.
اكىمنىڭ ورىنباسارى اسەم ءنۇسىپوۆانىڭ ايتۋىنشا، “مەكتەپ اۆتوبۋسى” جوباسىنىڭ ەكىنشى كەزەڭى جۇزەگە اسىرىلادى. 2024 جىلى قالا مەكتەپتەرى ءۇشىن قوسىمشا 50 اۆتوبۋس ساتىپ الۋ جوسپارلانۋدا.
“جوبانى ودان ءارى كەڭەيتۋدىڭ ارقاسىندا 12500 بالا قامتىلادى. ءبىزدىڭ ەسەبىمىزشە، 1-دەن 11-سىنىپقا دەيىنگى وسىنشا وقۋشىنىڭ مەكتەپكە باراتىن جولى قيىن جانە تاسىمالداۋ قاجەتتىلىگى بار”، - دەپ اتاپ ءوتتى ول.
الماتى قالاسى ءبىلىم باسقارماسىنىڭ باسشىسى ءلاززات جىلقىبايەۆانىڭ ايتۋىنشا، جوباعا 1،4 ملرد. تەڭگە بولىنگەن.
“1 قىركۇيەكتەن باستاپ بارلىق اۆتوبۋستار بالالاردى ءتيىستى قاۋىپسىزدىك شارالارىن ساقتاي وتىرىپ، بەكىتىلگەن مارشرۋتتار بويىنشا تاسىمالدايدى. "مەكتەپ اۆتوبۋسى" جوباسىن ىسكە اسىرۋ وقۋشىلاردىڭ اتا - انالارىنا كومەكتەسۋگە، مەكتەپ جاسىنداعى بالالاردىڭ قاۋىپسىزدىگىن ارتتىرۋعا جانە جول ترافيگىنە جۇكتەمەنى ازايتۋعا مۇمكىندىك بەرەدى”، - دەدى ءلاززات جىلقىبايەۆا.
قالا بويىنشا جۇرەتىن مەكتەپ اۆتوبۋستارى وقۋشىلاردى ءقاۋىپسىز تاسىمالداۋدى قامتاماسىز ەتىپ قانا قويماي، اتا-انالاردىڭ جۇمىسىن جەڭىلدەتتى.
مىسالى، №183 جالپى ءبىلىم بەرەتىن مەكتەپتە 76 وقۋشىنى تاسىمالدايتىن ەكى اۆتوبۋس بار. ساعات 12.30-دا اۆتوبۋستار وقۋشىلاردى ۇيلەرىنە اپارۋ ءۇشىن كۇتىپ تۇردى.
“اۆتوبۋستار ىڭعايلى جانە ءقاۋىپسىز، ءىشى دە ادەمى. ەندى ءبىز مەكتەپكە كەشىگىپ قالامىز دەپ الاڭدامايمىز. ءبىز ۇيدە ءۇش وقۋشىمىز، بارلىعى مەكتەپ اۆتوبۋسىمەن جۇرەدى. بۇرىن ءبىز قوعامدىق اۆتوبۋسپەن باراتىنبىز، كەشىگىپ قالاتىنبىز”، - دەيدى 9 سىنىپ وقۋشىسى لاۋرا سەرىكبولات.
“مەن 9-سىنىپ وقۋشىسىمىن. مەن مەكتەپكە جاياۋ باراتىنمىن، بۇل اۆتوبۋستىڭ سوڭعى ايالداماسى. بۇل اۆتوبۋستاردىڭ پايدا بولعانىنا وتە قۋانىشتىمىن. مەن مەكتەپكە 10 مينۋت، ەڭ كوبى 15 مينۋتتا جەتەمىن. جاياۋ مەن جارتى ساعات بويى تومەن قاراي جۇرەتىنمىن. بۇل ماعان مەكتەپكە جەتۋ ءۇشىن ۋاقىتتى ۇنەمدەۋگە كومەك بولدى”، - دەپ ءبولىستى وقۋشى يلكيبايەۆ احرور.
باستاۋىش سىنىپ وقۋشىلارى دا جاڭا اۆتوبۋس تۋرالى العان اسەرلەرى تۋرالى ايتىپ بەردى. ولاردىڭ ايتۋىنشا، ءقازىر ولار مەكتەپكە وڭاي جەتەدى، جول اقىسىن تولەۋدىڭ قاجەتى جوق جانە جاقىن ايالداماعا دەيىن بىرنەشە شاقىرىم ءجۇرۋدىڭ قاجەتى جوق.
“مەن ويانىپ، تۇرىپ دۇكەنگە بارامىن، سول جەردە مەنى اۆتوبۋس كۇتىپ تۇرادى، سودان كەيىن مەكتەپكە بارامىن. اۆتوبۋستا كەلە جاتىپ، جولدا ۋاقىتىمىز دا كوڭىلدى وتەدى”، - دەيدى كىشكەنتاي ءمۇسىلىم.
اتا-انالار دا جاڭا اۆتوبۋستاردىڭ بەرىلگەنىنە ءدان ريزا. ولار ءقازىر بالالاردىڭ قاۋىپسىزدىگىنە كوپ الاڭدامايدى، ويتكەنى اۆتوبۋستار جاس جولاۋشىلاردى ءۇيدىڭ جانىنداعى ايالدامالاردان اكەتىپ -اكەلەدى.
“مەنىڭ ەكى بالام وسى جەردە №200 مەكتەپ-گيمنازيادا وقيدى. اۆتوبۋستار جوق كەزدە بالالاردى ءوزىم اپاراتىنمىن، سول ءۇشىن جۇمىستان سۇراناتىنمىن. نەمەسە ايەلىم قولىنداعى كىشكەنتاي بالامەن قوعامدىق كولىكپەن اپاراتىن، بۇلاي ءجۇرۋ ىڭعايسىز بولاتىن. ەندى اۆتوبۋس تىكەلەي ۇيدىڭتۇبىنەن الىپ كەتەدى، بالالار ءتىپتى جولدى كەسىپ وتپەيدى. باسىندا مەن ۋايىمداپ، ءبارىبىر اۆتوبۋستىڭ سوڭىنان ءجۇرىپ وتىردىم، ءبىراق بالالاردىڭ ساباققاكەشىكپەيتىنىنە جانە ءقاۋىپسىز ەكەنىنە كوزىم جەتتى. ايالداماعا كەلگەن كەزدە جۇرگىزۋشى “200ء-شى مەكتەپ" دەپ حابارلاپ، بارلىق بالالاردى الىپ كەتەدى. تەك بالالارعا عانا ەمەس، اتا - انالارعا دا ىڭعايلى، سوندىقتان ءقازىر الاڭداماي جۇمىس ىستەپ ءجۇرمىن”، - دەپ ءبولىستى اتا-انالاردىڭ ءبىرى جانىبەك قوجابەرگەنوۆ.
№200 مەكتەپ-گيمنازياسىنىڭ ديرەكتورى اينۇر نۇرىم قىزى اۆتوبۋستار ەكى اۋىسىمدا 241 وقۋشىنى تاسىمالدايتىن ارنايى كەستە جاسالعانىن اتاپ ءوتتى.
“قازىرگى ۋاقىتتا №200 مەكتەپ-گيمنازيادا 2350 بالا وقيدى. بىزگە ەكى اۆتوبۋس بەرىلدى، بىرەۋى 20 ورىندىق، ەكىنشىسى 36 ورىندىق. ءبىز كەستەنى جانە سايكەسىنشە اۆتوبۋستارعا ارنالعان مارشرۋتتى جاسادىق. ءبىرىنشى اۋىسىمدا ءبىز 110 وقۋشىنى، ەكىنشى اۋىسىمدا - 131 وقۋشىنى تاسىمالدايمىز. بالالاردىڭ قۋانىشىندا شەك جوق، اتا-انالار دا ريزا”، - دەدى ول.
كەستەگە سايكەس، تاڭعى ساعات 07.10-دا اۆتوبۋس جۇرگىزۋشىسى تۇرسىن سپابەكوۆ بالالاردى اباي ساياجايىنان الىپ كەتەدى. سودان كەيىن ساعات 07:40-تا ول ەكىنشى اۋىسىمدى جەتكىزەدى. ال ساعات 12.00-دەن كەيىن بالالاردى ۇيلەرىنە قايتارادى.
جالپى، اۆتوبۋستار حالىقارالىق قاۋىپسىزدىك ستاندارتتارىنا سايكەس كەلەدى، اپاتتىق شىعۋ جولى، قاۋىپسىزدىك بەلدىكتەرى، مۇمكىندىگى شەكتەۋلى بالالارعا ارنالعان پاندۋس جانە ت.ب. بار.
الماتىلىق وقۋشىلار ءقازىر ءبىلىمنىڭ الۋعا بارار جولدارى جاقىندا عانا تەلەديداردان كورىپ جۇرگەن “سارى” اۆتوبۋستاردان باستالاتىنىن ايتادى....