World Boxing ازيادا بوكستىڭ دامۋى مەن ناسيحاتتالۋىن باقىلاۋ ماقساتىندا جاڭا ازيا بوكس كونفەدەراسياسىنىڭ رەسمي تۇردە قۇرىلعانىن جاريالادى، دەپ حابارلايدى aqshamnews.kz
حالىقارالىق بوكس قاۋىمداستىعىنان (IBA) ازيا بوكس كونفەدەراسياسىنىڭ (ASBC) تاۋەلسىزدىگىن قامتاماسىز ەتۋ ماسەلەسىنە بايلانىستى پرەزيدەنتتىك قىزمەتىنەن كەتكەن پيچاي چۋنحاۆادزيرا جاڭا ۇيىمنىڭ قۇرىلۋىنا جانە ونىڭ بولاشاقتاعى جۇمىسىنا تولىق قولداۋ بىلدىرەتىنىن ايتتى.
World Boxing وليمپيادالىق كوميسسياسىنىڭ ءتوراعاسى گەنناديي گولوۆكين جاڭا كونفەدەراسيانىڭ قۇرىلۋى ازيا بوكسىنىڭ الەمدىك ارەنادا ەرەكشە ورىن الاتىندىعىن جانە بۇل قادام سپورتتىڭ دامۋىنا جاڭا سەرپىن بەرەتىنىن ەرەكشە اتاپ ءوتتى:
«مۇنداي جاڭاشىل قۇرىلىمدى قۇرۋعا قاتىسۋ – ۇلكەن مارتەبە. بۇگىندە ازيا بوكسى الەمدىك ارەنادا ەرەكشە ءرول اتقارادى. جاڭا كونفەدەراسيا ءبىزدىڭ ايماقتىڭ الاتىن ورنىن ودان ءارى بەكىتىپ، وسى سپورت ءتۇرىنىڭ دامۋىنا جاڭا سەرپىن بەرەدى»، – دەدى ول.
جاڭا ازيا كونفەدەراسياسىنىڭ قۇرىلۋى قۇرلىقتاعى بوكس سالاسىنىڭ دامۋىنا جول اشادى. ۇيىم تاۋەلسىزدىك، ادىلەتتىلىك جانە سپورتشىلاردى قولداۋ قاعيداتتارىن باسشىلىققا الا وتىرىپ، بارلىق مۇددەلى تاراپتاردى ورتاق ماقساتقا بىرىكتىرەدى.
بۇل قادام ازيا بوكسىنىڭ حالىقارالىق دەڭگەيدە ودان ءارى كۇشتى ورىن الۋى مەن ازيا ەلدەرىندەگى جاس بوكسشىلاردىڭ دامۋىندا جاڭا مۇمكىندىكتەر تۋعىزاتىنىنا سەنىم بەرەدى.