قازاقستان قۇراماسى ۆولەيبولدان ايەلدەر اراسىنداعى الەم چەمپيوناتىندا العاشقى كەزدەسۋىن وتكىزدى، دەپ حابارلايدى Almaty-akshamy.kz Inform.kz-كە سىلتەمە جاساپ.
العاشقى كەزدەسۋىندە قازاقستاندىق ۆولەيبولشىلار اقش قۇراماسىمەن شەبەرلىك بايقاستى. العاشقى سەتتە ولار قارسىلاسىنا 16:25 ەسەبىمەن جول بەرسە، ەكىنشى سەتتە تاعى دا 13:25 ەسەبىمەن جول بەردى. شەشۋشى ءۇشىنشى سەتتە دە 12:25 ەسەبىمەن جەڭىلىستىڭ اششى ءدامىن تاتتى.
وسىلايشا ەل قۇراماسى قارسىلاسىنا 0:3 ەسەبىمەن جەڭىلدى.
قازاقستاندىق ۆولەيبولشىلار س توبىندا سىنعا تۇسەتىنى بەلگىلى. قارسىلاستارى – اقش، سەربيا، گەرمانيا، بولگاريا جانە كانادا.
ۇلتتىق قۇراما ەندى 26 قىركۇيەكتە گەرمانيامەن كەزدەسەدى.
قازاقستاندىق ۆولەيبولشىلار الەم چەمپيوناتى فينالدىق ساتىسىندا بەسىنشى مارتە ب ا ق سىناپ وتىر. بۇدان بۇرىن جالپى كوماندالىق ەسەپتە 2018 جىلى – 17، 2010 جىلى – 21، 2014 جىلى – 15، 2018 جىلى – 24-ورىنعا جايعاسقان بولاتىن.
ءدۇبىرلى دودا نيدەرلاند جانە پولشا مەملەكەتتەرىندە 23 قىركۇيەك پەن 15 قازان ارالىعىندا وتكىزىلەدى. وندا بارلىعى 24 قۇراما قاتىسىپ، ءتورت توپتا ب ا ق سىنايدى.