وسى ۋاقىتتا كەلىسسوزدەر جۇرگىزىلەتىن ورىن مەن ونىڭ ۋاقىتى كەلىسىلىپ جاتىر
ۋكراينا پرەزيدەنتى ۆلاديمير زەلەنسكيي، رەسەي باسشىسى ۆلاديمير ءپۋتيننىڭ ۇسىنىسىنا كەلىسىمىن بەردى جانە ول اتىستى توقتاتۋ مەن بەيبتشىلىك تۋرالى كەلىسسىوز جۇرگىزۋگە دايىن، دەپ حابارلايدى Almaty-akshamy.kz قازاقپاراتقا سىلتەمە جاساپ.
ۋكراينا پرەزيدەنتىنىڭ باسپا ءسوز حاتشىسى سەرگەي نيكيفوروۆتىڭ ايتۋىنشا، قازىرگى تاڭدا كەلىسسوزدەر وتەتىن ورىن مەن ونىڭ ۋاقىتى بەلگىلەنىپ جاتىر، دەپ حابارلادى رەسەيلىك تاسس اگەنتتىگى.
«ۋكراينا كەلىسسوزدەر جۇرگىزۋدەن باس تارتتى دەگەن ۇعىمدى جوققا شىعارۋ كەرەك بولىپ تۇر. ۋكراينا الەمدە اتىستى توقتاتۋ مەن بەيىتشىلىك تۋرالى سويلەسۋگە دايىن ەكەندىگىن مالىمدەپ كەلگەن، ءالى دە سولاي بولىپ قالا بەرمەك. بۇل ءبىزدىڭ تۇراقتى ۇستانىمىمىز. ءبىز رف پرەزيدەنتىنىڭ ۇسىنىسىنا كەلىستىك»،-دەپ جازدى سەرگەي نيكيفوروۆ جۇما كۇنى ءوزىنىڭ Facebook پاراقشاسىندا.
«وسى ۋاقىتتا كەلىسسوزدەر جۇرگىزىلەتىن ورىن مەن ونىڭ ۋاقىتى كەلىسىلىپ جاتىر»،-دەپ جازدى ول.
«كەلىسسوزدەر نەعۇرلىم ەرتە باستالسا، قالىپتى ومىرگە سوعۇرلىم ەرتە ورالامىز»
وسىعان دەيىن رەسەي پرەزيدەنتىنىڭ باسپا ءسوز حاتشىسى دميتريي پەسكوۆ ۆلاديمير ءپۋتيننىڭ ۋكراينامەن كەلىسسوزدەر جۇرگىزۋ ءۇشىن مينسكىگە رەسەي دەلەگاسياسىن جىبەرۋگە دايىن ەكەنىن ءمالىم ەتكەن بولاتىن.
كەشىرەك پەسكوۆ ۋكراينا تاراپىنىڭ كەلىسسوزدەردى بەلارۋس استاناسىندا جۇرگىزۋ تۋرالى ۇسىنىسقا ونى ۆارشاۆادا وتكىزۋ تۋرالى ايتىپ، كەيىن بايلانىستى ۇزگەندىگىن ايتتى.
رەسەي پرەزيدەنتى ۆلاديمير پۋتين 24 اقپاندا دونباسس مەملەكەتتەرى كومەك سۇراعان سوڭ ۋكراينادا ارنايى اسكەري وپەراسيا جۇرگىزەتىنىن جاريالاعان بولاتىن.
ول ۋكراينا اۋماقتارىن وكۋپاسيالاۋ ماسكەۋدىڭ جوسپارىنا كىرمەيتىنىن، وپەراسيا جۇرگىزۋدەگى ماقسات ەلدى دەميليتاريزاسيالاۋ ەكەنىن ەسكەرتتى.
رف قورعانىس مينيسترلىگىنىڭ حابارلاۋىنشا، اسكەر قالالارعا سوققى جاسامايدى، ولار تەك ۋكراينانىڭ اسكەري ينفراقۇرىلىمىن ىستەن شىعارۋدى كوزدەپ وتىر. سوندىقتان بەيبىت تۇرعىندارعا ءقاۋىپ ءتونىپ تۇرعان جوق.