بۇگىنگى كەلىسسوزدەر بارىسىندا ەكىجاقتى ءوزارا قاتىناستاردى تەرەڭدەتۋ پەرسپەكتيۆالارى قارالدى. بۇل تۋرالى قازاقستان باسشىسى قاسىم-جومارت توقايەۆپەن كەلىسسوزدەردەن كەيىنگى بىرلەسكەن مالىمدەمەدە رف پرەزيدەنتى ۆلاديمير پۋتين ايتتى، دەپ حابارلايدى almaty-akshamy.kz قازاقپاراتقا سىلتەمە جاساپ.
ۆ. پۋتين قازاقستان-رەسەي ىنتىماقتاستىعى الداعى ۋاقىتتا دا كەڭەيە تۇسەتىنىن، ول ءۇشىن بارلىق وبەكتيۆتى جاعداي بار ەكەنىن ايتتى.
«قازىرگى بايلانىستار جانە ەكىجاقتى ءوزارا ءىس-قيمىلدى ارى قاراي تەرەڭدەتۋ پەرسپەكتيۆالارى بۇگىنگى كەلىسسوزدەر بارىسىندا قارالعان باستى تاقىرىپ بولدى»، - دەدى رف باسشىسى.
سونىمەن قاتار ول بۇگىنگى كەلىسسىزدەر كەزىندە قازاقستان پرەزيدەنتىن باستى قوناقتاردىڭ ءبىرى رەتىندە ماۋسىم ايىندا وتەتىن پەتەربور حالىقارالىق ەكونوميكالىق فورۋمىنا قاتىسۋعا شاقىرعانىن جەتكىزدى.
«قازاقستان باسشىسى ءبىزدىڭ شاقىرتۋدى قابىل الدى دەپ ۇمىتتەنەمىز، سونداي-اق سانكت-پەتەربورداعى فورۋمعا قازاقستاننىڭ ساياساتكەرلەرىنەن، بيزنەسمەندەرىنەن جانە قوعام قايراتكەرلەرىنەن قۇرالعان اۋقىمدى دەلەگاسيانى كۇتەمىز»، - دەدى ۆلاديمير پۋتين.