ۆيرۋستىق گەپاتيتتى ەمدەۋدىڭ جاڭا تاسىلدەرى بەكىتىلدى

ق ر دەنساۋلىق ساقتاۋ مينيسترلىگىنىڭ ستاندارتتارى بەكىتىلدى.

ق ر دەنساۋلىق ساقتاۋ مينيسترلىگى «قازاقستان رەسپۋبليكاسىندا گاستروەنتەرولوگيالىق جانە گەپاتولوگيالىق كومەك كورسەتۋدى ۇيىمداستىرۋ ستاندارتىن بەكىتۋ تۋرالى» ستاندارتتى ازىرلەپ، بەكىتتى، دەپ حابارلايدى اlmaty-akshamy.kz.

دەنساۋلىق ساقتاۋ مينيسترلىگىنىڭ مالىمدەۋىنشە، ستاندارتتا سوزىلمالى ۆيرۋستىق گەپاتيتتەرمەن (سۆگ) جانە اسقازان-ىشەك جولدارىنىڭ باسقا دا اۋرۋلارىمەن اۋىراتىن پاسيەنتتەرگە مەديسينالىق كومەك كورسەتۋ ءتارتىبى كوزدەلگەن.

سونىمەن قاتار، قۇجاتتا ق ر تۇرعىندارىنا گاستروەنتەرولوگيالىق جانە گەپاتولوگيالىق كومەك كورسەتۋ دەڭگەيلەرى (مەديسينالىق-سانيتاريالىق العاشقى كومەك كورسەتۋ ۇيىمدارى، گاستروەنتەرولوگتىڭ مامانداندىرىلعان كابينەتى، گەپاتولوگيالىق ورتالىق، كوپ بەيىندى اۋرۋحانالار قۇرىلىمىنداعى گاستروەنتەرولوگيالىق بولىمشەلەر/توسەكتەر) قۇرىلىمدالعان.
سۆگ-عا زەرتتەپ-قاراۋ جۇرگىزۋدىڭ الگوريتمى مەن مەرزىمدەرى (پتر، فيبروسكان، گاستروەنتەرولوگ / ينفەكسيونيست دارىگەردىڭ كونسۋلتاسياسى جانە ت.ب.) ەگجەي-تەگجەيلى جازىلعان.
سگۆ بار پاسيەنتتەردى ۆيرۋسقا قارسى تەراپيامەن (ۆقت) قامتۋدى جاقسارتۋ ماقساتىندا بەيىندى ماماننىڭ (گاستروەنتەرولوگ نەمەسە ينفەكسيونيست) مساك دەڭگەيىندەگى كونسۋلتاسيالىق قورىتىندىسى نەگىزىندە گەپاتولوگيالىق ورتالىققا بارماي-اق «س» (F0-F2) ۆيرۋستىق گەپاتيتى فيبروزىنىڭ جەڭىل ساتىلارىندا ۆيرۋسقا قارسى تەراپيانى تاعايىنداۋ سحەماسى جەڭىلدەتىلدى.
شەتەلدىك تاجىريبەنى ەسكەرە وتىرىپ، «ءبىر تەرەزە» قاعيداتى بويىنشا ولاردا ىلەسپە سۆگ انىقتالعان كەزدە ايتۆ ينفەكسياسىمەن ءومىر سۇرەتىن ادامداردىڭ جيتس ورتالىقتارىندا ۆيرۋسقا قارسى تەراپيا الۋ مۇمكىندىگى تۋرالى نورما ەنگىزىلدى. ولار سونداي-اق تۇرعىلىقتى جەرى بويىنشا مساك ۇيىمىندا ۆيرۋسقا قارسى تەراپيا الا الادى.