وتاندىق كينوكارتينالار باسەكەلەستىككە قابىلەتتى.
كەلىپ تۇسكەن كوپتەگەن وتىنىشتەر بويىنشا VI Baiqonyr International Short Film Festival ۇلتتىق كونكۋرسقا وتىنىمدەردى قابىلداۋ مەرزىمىن 15 تامىزعا دەيىن ۇزارتتى، دەپ حابارلايدى Almaty-akshamy.kz. ۆrod.kz سايتىنا سىلتەمە جاساپ.
شاراعا قاتىسۋشىلارعا ۋاقىتتىڭ ۇزارتىلۋى سۇرانىس بويىنشا قاراستىرىلعان كورىنەدى.
ايتا كەتەيىك، VI Baiqonyr International Short Film Festival فەستيۆالىنە قاتىسۋعا وتىنىمدەر قابىلداۋ 17 مامىردان باستالعان بولاتىن. فەستيۆال الماتى قالاسىندا 8-12 قىركۇيەك ارالىعىندا وتەدى.
BISFF 2 باعدارلامادان تۇرادى:
- نەگىزگى كونكۋرس (ويىن جانە دەرەكتى حالىقارالىق قىسقامەتراجدى كينو)
- ۇلتتىق كونكۋرس (ويىن، دەرەكتى، انيماسيالىق قىسقامەتراجدى كينو)
اتالعان كونكۋرسقا قاتىسۋعا 2020-2021 جىلدارى قازاقستاندىق رەجيسسەرلەر جانە وتاندىق پروديۋسەرلەر تۇسىرگەن تۋىندىلار قاتىسا الادى. سونىمەن قاتار تەحنيكالىق جاعىنان كينوتەاتردا كورسەتۋگە جارامدى ۇزاقتىعى 30 مينۋتقا دەيىنگى قىسقامەتراجدى ويىن، دەرەكتى، انيماسيالىق فيلمدەر شاقىرىلادى.