ۆەنگريا ەلشىلىگى قازاقستان رەسپۋبليكاسى ۇقك-نىڭ بۇرىنعى باسشىسى كارىم ءماسىموۆتىڭ ءتولقۇجاتىنا قاتىستى تۇسىنىكتەمە بەردى، دەپ حابارلايدى Almaty-akshamy.kz orda.kz-كە سىلتەمە جاكساپ.
قاراشا ايىنىڭ ءبىرىنشى جارتىسىندا سامارقاندتا وتكەن تۇركى كەڭەسىنىڭ ءسامميتى بارىسىندا مەملەكەت باسشىسى قاسىم-جومارت توقايەۆ ۆەنگريا پرەمەر-مينيسترى ۆيكتور وربانمەن كەزدەستى. اقوردانىڭ حابارلاۋىنشا، مەملەكەت باسشىلارى ادەتتەگىدەي ەكى جاقتى قارىم-قاتىناستار، ەكونوميكالىق ىنتىماقتاستىق جانە اۋعانستان ماسەلەلەرىن تالقىلادى.
الايدا كەيبىر ب ا ق ورباننىڭ توقايەۆقا كارىم ءماسىموۆ پەن ونىڭ وتباسى مۇشەلەرىنىڭ ۆەنگريا ازاماتتىعى بار ەكەنىن ايتقانى تۋرالى، ارينە، ءوز دەرەككوزدەرىنە سىلتەمە جاساپ، مۇلدەم باسقا اقپارات جاريالادى.
بۇل اقپارات ەش جەردە رەسمي راستالماعاندىقتان، Orda.kz رەداكسياسى تۇسىنىكتەمە الۋ ءۇشىن ۆەنگريانىڭ قازاقستانداعى باس كونسۋلدىعىنا جۇگىنگەن. ديپلوماتيالىق دەپارتامەنت ءماسىموۆتىڭ ەشقاشان ۆەنگريا ازاماتى بولماعانىن ايتتى.
2022 جىلدىڭ 6 قاڭتارىندا كارىم ءماسىموۆ قىزمەتىنەن بوساتىلىپ، ورنىنا ەرمەك ساعىمبايەۆ تاعايىندالدى. 8 قاڭتاردا ۇقك باسپا ءسوز قىزمەتى ءماسىموۆ پەن ونىڭ ورىنباسارلارىنىڭ ۇستالعانى تۋرالى حابارلادى.
ۇقك مالىمەتىنشە، ءماسىموۆ پەن سادىقۇلوۆتىڭ ارەكەتى ق ر قىلمىستىق كودەكسىنىڭ 175-بابىنىڭ 1-بولىگى «مەملەكەتكە وپاسىزدىق»، 179-بابىنىڭ 3-بولىگى «بيلىكتى كۇشتەپ باسىپ الۋ» جانە 362-بابى 4-بولىگىنىڭ 3-تارماعى «بيلىكتى جانە لاۋازىمدىق وكىلەتتىكتەردى اسىرا پايدالانۋ» بويىنشا ساراپتالعان.
18 قاراشادا استانانىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا ۇقك-نىڭ بۇرىنعى باسشىسى كارىم ءماسىموۆ پەن ونىڭ ورىنباسارلارىنا قاتىستى سوت پروسەسى باستالدى. ونىڭ ءىسى قۇپيا. ۇقك ەكس-باسشىسىنىڭ سوتى جابىق ەسىك جاعدايىندا ءوتىپ جاتىر. ءىستىڭ جاي-جاپسارى پارلامەنت ءتيىستى شەشىم شىعارسا عانا قۇپيالىقتان شىعارىلادى.