بۇل تۋرالى مەملەكەت باسشىسى قاسىم-جومارت توقايەۆ ۇلتتىق قۇرىلتايدىڭ ءۇشىنشى وتىرىسىنداعى سوزىندە ايتتى، دەپ حابارلايدى اقوردانىڭ باسپا ءسوز قىزمەتى.
مەن بىلتىرعى قۇرىلتايدا بالالار مەن جاستاردىڭ دەنساۋلىعىنا، ياعني تۇتاس ۇلتتىڭ بولاشاعىنا وراسان زور زيان كەلتىرىپ جاتقان «ۆەيپتەردىڭ» تارالۋىنا توسقاۋىل قويۋ ءۇشىن ناقتى شارالار قابىلداۋ قاجەتتىگىن ايتتىم.
ءقازىر پارلامەنتتە ۆەيپتەردى ەلگە اكەلگەن، ونى وندىرگەن جانە تاراتقان ادامداردى قىلمىستىق جاۋاپكەرشىلىككە تارتۋدى كوزدەيتىن زاڭ جوباسى قارالىپ جاتىر. بۇل قادام بۇگىندە سانگە اينالعان وسى ءبىر ءقاۋىپتى كەسەلدىڭ تارالۋىن ەداۋىر شەكتەپ، بەتىن قايتاراتىنىنا سەنىمدىمىن. سونداي-اق اقپارات قۇرالدارى ارقىلى جان-جاقتى ءتۇسىندىرۋ جۇمىسى جۇرگىزىلۋگە ءتيىس. بۇل – ۇلت ساۋلىعىنا دا، ەلىمىزدىڭ ابىروي-بەدەلىنە دە كەسىرىن تيگىزەتىن ادەت. ءبىز وركەنيەتتى ەل بولامىز دەسەك، ودان تولىق ارىلۋىمىز كەرەك. – دەدى مەملەكەت باسشىسى.