ۆالييەۆانىڭ اعزاسىنا زاڭسىز ەسىرتكى قالاي تۇسكەنى ايتىلدى

سوتتىڭ شەشىمى شىقتى.

سپورتتىق اربيتراجدىق سوت (CAS) رەسەيلىك مانەرلەپ سىرعاناۋشى كاميلا ۆالييەۆاعا قاتىستى تولىق شەشىمدى جاريالادى، دەپ حابارلادى Almaty-akshamy.kz Interfax.ru سىلتەمە جاساپ.

سوت شەشىمى بويىنشا، تىيىم سالىنعان ءدارى سپورتشىنىڭ اتاسىمەن بىرگە تۇسكى اس كەزىندە ونىڭ دەنەسىنە ەنۋى مۇمكىن ەكەندىگى ايتىلعان. 

«سپورتشىنىڭ اعزاسىنا تىيىم سالىنعان زاتتىڭ ءتۇسۋى ونىڭ اتاسىمەن تۇرمىستىق قارىم-قاتىناس كەزىندە ورىن الۋى مۇمكىن. ونىڭ اتاسى جۇرەك الماستىرۋ وپەراسياسىنان كەيىن «تريمەتازيدين» قابىلدايدى جانە ادەتتە دارى-دارمەكتى وزىمەن بىرگە الىپ جۇرەدى. كاميلانىڭ اناسى سپورتشىنىڭ اتاسى ۇنەمى قابىلدايتىنىن ايتتى»، - دەلىنگەن سوت شەشىمىندە. 

ەستەرىڭىزگە سالا كەتسەك، بەيجىڭ وليمپياداسىنا قاتىسقان رەسەيلىك مانەرلەپ سىرعاناۋشى كاميلا ۆالييەۆا دوپينگ-سىناماسىنىڭ  وڭ ناتيجە كورسەتكەنى ءۇشىن سىنعا ۇشىراعان بولاتىن.ناتيجەسىندە كاميلا ۆالييەۆا وليمپيادالىق مەدال الا الماي قالدى. ول ءتورتىنشى ورىنعا يە بولدى. سپورتشىنىڭ جاعدايىن تۇسىنگەن قازاقستاندىق ءانشى ديماش قۇدايبەرگەن 15 جاستاعى مانەرلەپ سىرعاناۋشىعا ساعى سىنباۋىن تىلەپ، قولداۋ بىلدىرگەن بولاتىن.