ۆاكسيناعا قاتىستى جالعان اقپارات تارادى

پلاسەبو ەگىلەدى دەگەن Fake اقپارات شىقتى.

الەۋمەتتىك جەلىدەگى Telegram كانالىندا COVID-19-عا قارسى ۆاكسينالانعان ادامدار تاجىريبەگە قاتىسۋشىلار بولىپ تابىلاتىنى تۋرالى حابارلاما تارادى، دەپ حابارلايدى Almaty-akshamy.kz. 24.kz-كە سىلتەمە جاساپ.

ونىڭ سوزىنە قاراعاندا، ۆاكسينا سالدىرعانداردىڭ بارىنە بىردەي مەتالل زاتتار جابىسپايتىنى بۇعان دالەل بولا الادى. بۇل – جالعان اقپارات، دەپ حابارلادى stopfake.kz.

اقپارات بەرۋشى ۆاكسينانىڭ ەشقايسىسى سىناقتان وتپەگەن جانە ماقۇلدانباعان دەپ مالىمدەيدى. شىن مانىندە، بۇگىنگى كۇنى كەم دەگەندە ءبىر ەلدە 20 ۆاكسينا ماقۇلدانىپ وتىر. ۆاكسينالاردىڭ كلينيكالىق سىناقتارىنىڭ ناتيجەلەرى اشىق دەرەككوزدەردە جاريالاندى. مىسالى، «سپۋتنيك V» ۆاكسيناسى 60 جاستان اسقان ادامداردا دا سىنالدى. ال Pfizer/BioNTech جانە Moderna پرەپاراتتارى جۇكتى ايەلدەر ءۇشىن دە ءقاۋىپسىز دەپ تانىلدى.

«كەيبىر ادامدارعا ۆاكسينانىڭ ورنىنا پلاسەبو ەگىلەتىنى دە شىندىققا جاناسپايدى. ەكپەنى الۋدى ماگنيت سياقتى مەتالل زاتتاردى تارتۋ ارقىلى تەكسەرۋگە بولمايدى. ۆاكسينالار قۇرامىنداعى ماگنيت بولشەكتەر تۋرالى بولجامدار بىرنەشە رەت تەرىسكە شىعارىلعان. ۆاكسينالاردا ماگنيتتىك قاسيەتتەرى بار بولشەكتەر جوق»، - دەلىنگەن stopfake.kz حابارلاماسىندا.