ۆاكسينا ونكولوگيالىق اۋرۋلاردى قوزدىرا ما؟

ەكپەدەن پايدا مول!

كوروناۆيرۋسقا قارسى ۆاكسينا ەشقانداي اۋرۋ تۋدىرمايدى، بەدەۋلىككە اكەلىپ سوقپايدى جانە دنق-نى وزگەرتپەيدى، دەپ حابارلايدى Almaty-akshamy.kz.

قوعامدا يممۋنداۋ ناۋقانىنا قاتىستى تاراعان وسى تەكتى قاۋەسەتتەر جايىندا مەديسينا عىلىمدارىنىڭ دوكتورى، ينفەكسيونيست-دارىگەر ءلاززات ەرالييەۆا پىكىر ءبىلدىردى. ول COVID-19-عا قارسى ەكپەلەردىڭ ءقاۋىپسىز ەكەنى عىلىمي تۇردە دالەلدەنگەنىن تاعى ءبىر ەسكە سالدى. سوندىقتان، ەڭ الدىمەن، تەكسەرىلمەگەن اقپارات كوزدەرىنە قۇلاق اسپاۋعا شاقىرادى.

ەكپە سالۋ ەشبىر اۋرۋدى قوزدىرمايدى. كەرىسىنشە، قاتەرلى ىندەتتىڭ الدىن الۋدىڭ بىردەن-بىر جولى. دەرتتى جۇقتىرۋ كورسەتكىشىن ءۇش ەسە تومەندەتەدى. «ەڭ باستىسى، ولىمنەن ساقتايدى»، – دەيدى ساراپشى.

اشىق دەرەكتەرگە سايكەس، كوروناۆيرۋستىڭ سالدارىنان ەلىمىزدە كۇنىنە 100-دەن استام ناۋقاس كوز جۇمادى.

مەديسينا عىلىمدارىنىڭ دوكتورى، ينفەكسيونيست ءلاززات ەرالييەۆا ۆاكسيناعا قاتىستى پىكىر ءبىلدىردى.

«ۆاكسينا بىزگە، ەڭ الدىمەن، اعزاداعى جاسۋشالاردىڭ ەستە ساقتاۋ قابىلەتىن جاقسارتۋ ءۇشىن قاجەت. ادام ۆيرۋستى قايتا جۇقتىرىپ العان كەزدە ءدال وسى جاسۋشالار انتيدەنەلەردىڭ جىلدامىراق تۇزىلۋىنە ىقپال ەتەتىن بولادى. وسىنىڭ اسەرىنەن ادام ىندەتتەن ساق بولادى. جۇقتىرىپ العاننىڭ وزىندە اۋرۋ جەڭىل تۇردە وتەدى»، - دەدى ول.