ۇجىمدىق يممۋنتيتەتتى ساقتاۋدىڭ ماڭىزدىلىعى ايتىلدى
ق ر دەنساۋلىق ساقتاۋ ءمينيسترى اجار عينيات ۇكىمەت وتىرىسىندا ۆاكسينا العانداردىڭ 65%-ىن ريەۆاكسينالاۋ جوسپاردا بار ەكەنىن ايتتى، دەپ حابارلايدى Almaty-akshamy.kz قازاقپارات -قا سىلتەمە جاساپ.
«كوروناۆيرۋس ينفەكسياسىنىڭ تارالۋىنا قارسى ءىس-قيمىلدى كۇشەيتۋ ءۇشىن دەنساۋلىق ساقتاۋ جۇيەسىنە جۇكتەمەنى ەسكەرە وتىرىپ، كوروناۆيرۋستىڭ تارالۋىن بولجاۋ ماتريساسى قايتا قارالدى سوعان بايلانىستى، سانيتارلىق-پروفيلاكتيكالىق شارالار ۆەدومستۆوارالىق كوميسسيانىڭ وتىرىسىندا ەنگىزىلەدى»، - دەدى مينيستر.
سونداي-اق، ول ۇجىمدىق يممۋنتيتەتتى ساقتاۋدىڭ ماڭىزدىلىعىنا توقتالدى.
«سونىمەن قاتار، ۇجىمدىق قورعانىس پەن تۇراقتى ەپيدەميولوگيالىق جاعدايدى ساقتاۋ ءۇشىن بۇرىن كۆي-گە قارسى ۆاكسينالانعانداردىڭ كەمىندە 65%-ى ريەۆاكسيناسيامەن قامتىلادى»، - دەدى ۆەدومستۆو باسشىسى.
بۇعان دەيىن اجار عينيات ەلىمىزدە كوروناۆيرۋسقا قاتىستى ەپيدەميولوگيالىق احۋالدى باعالاۋ ماتريساسى جاڭا تارتىپتە جۇرگىزىلەتىنىن ايتقان بولاتىن. «سارى» ايماققا وتكەن كەزدە ينفەكسيانىڭ تارالۋ وشاعىن وقشاۋلاۋعا قاتىستى قوسىمشا شارالار قابىلدانادى. بۇل رەتتە بيزنەسكە جۇكتەمە تۇسىرمەي، ءتيىستى قادامدار جۇزەگە اسىرىلادى. ال، «قىزىل» ايماققا وتكەن كەزدە، وڭىرلەردە «سارى» ايماق كەزىندە قابىلدانعان ءىس-قيمىلدارعا قوسىمشا تۇرعىنداردىڭ قوزعالىسىن شەكتەۋ مەن كاسىپكەرلىك سۋبەكتىلەرى قىزمەتىنە قاتىستى شارالار قابىلدانادى. بۇل جۇمىستار ەكى كەزەڭ بويىنشا ىسكە اسىرىلادى، سونداي-اق ستاسيونارلار مەن باستاپقى مەديسينالىق-سانيتارلىق كومەك مەكەمەلەرىنىڭ جۇكتەمەسى ەسكەرىلەدى.