الماتىدا Mudarabah Capital قارجى پيراميداسىن قۇرۋ جانە باسقارۋ فاكتىسى بويىنشا سوت پروسەسى جالعاسىپ جاتىر.
داۋلى ءىس ونلاين رەجيمدە قارالدى، دەپ حابارلايدى Almaty-akshamy.kz.
«حابار 24» ارناسىنىڭ اقپاراتى بويىنشا، ايىپتالۋشىلار قاتارىندا بارلىعى 12 ادام، ونىڭ ىشىندە ۆاينەرلەر مەيىرجان تورەبايەۆ پەن مەيىرحان شەرنيازوۆ بار. تاعى ءبىر ۆاينەر ءازىمجان سايدبايەۆ ءالى ىزدەستىرىلىپ جاتىر.
پروكۋرور سوتتان تورەبايەۆ پەن شەرنيازوۆقا تاعىلعان ايىپتاردان ۇيىمداسقان قىلمىستىق توپتارعا قاتىسى تۋرالى باپتى الىپ تاستاۋدى، ءبىراق قارجى پيراميداسى بابى بويىنشا ايىپتاۋلاردى قالدىرۋدى سۇرادى. ال قالعاندارىنا قارجىلىق پيراميدا قۇردى جانە ۇيىمداسقان قىلمىستىق توپقا قاتىستى دەگەن باستاپقى ايىپتى قالدىردى.
سوتتالۋشىلاردىڭ اراسىندا Mudarabah Capital-دىڭ باس ديرەكتورى رۋسلان بۇرقانوۆ تا بار. پروكۋرور ونى 8 جىلدان 12 جىلعا دەيىن باس بوستاندىعىنان ايىرۋدى سۇرادى. ايىپتالۋشىلار كىناسى دالەلدەنسە، جازاسىن ورتاشا قاۋىپسىزدىكتەگى تۇزەۋ مەكەمەسىندە وتەيتىن بولادى. ال ۆاينەرلەر تورەبايەۆ پەن شەرنيازوۆ 5 جىلعا باس بوستاندىعىنان ايىرىلۋى مۇمكىن.