جاقىندا ءا. قاستەيەۆ اتىنداعى ونەر مۇراجايىندا سۋرەتشىنىڭ 120 جىلدىعىنا وراي تاعىلىمدى شارا ءوتتى.
ءان مەن كۇي اۋەلەگەن جيىندا بالالار شىعارماشىلىعىنىڭ كورمەسى قورتىندىلانىپ، جۇلدەگەرلەر ماراپاتتالدى. الماتى قالاسىنداعى №199 مەكتەپتىڭ ءبىر توپ وقۋشىلارى «انيماسيا» اتالىمى بويىنشا ۇزدىك دەپ تانىلدى.
«كوماندالىق جۇمىسىمىزدىڭ جوعارى باعالانعانىنا قۋانىشتىمىز. بەينەلەۋ ونەرى – كەشەگى جانە بۇگىنگى ۇرپاقتار ساباقتاستىعى، ۇزدىك يدەيالار جەمىسى»، – دەيدى تالاپكەر ورەندەر.
«ءابىلحان قاستەيەۆ – عاسىر مۇراسى» كورمەسى سۋرەتشى بولمىسىن جان-جاقتى اشتى. XX عاسىردىڭ اسا كورنەكتى سۋرەتشىسى ۇلتىمىزدىڭ تۇرمىس-تىرشىلىگىن، تابيعات كورىنىستەرىن كوركەم پەيزاج رەتىندە كەستەلەپ، تاريحي تۇلعالار پورترەتىن سالعان. ءابالحان قاستەيەۆ قىلقالاممەن تاريح بەتىندە ماڭگى ءىزىن قالدىردى.